“جاۋاپ جوق”: تۇركىستان وبلىسىندا سۋ ماسەلەسى ءالى دە شەشىلمەي تۇر

739
فوتو: otyrar.kz
فوتو: otyrar.kz

تۇركىستان وبلىسى بايدىبەك اۋدانىنىڭ ورتالىعى شايان اۋىلىنداعى كوپسالالى سپورت كەشەنى 2019 جىلى پايدالانۋعا بەرىلگەن. الايدا، اۋداندا ورتالىقتاندىرىلعان كارىز جۇيەسى بولماعاندىقتان قازىر باسسەيندەگى سۋدى ءجيى-ءجيى اۋىستىرۋ مۇمكىن بولماي تۇر. بۇ تۋرالى اۋىل تۇرعىنى باقىتجان ءجۇمادىلدا ايتىپ بەردى، دەپ حابارلايدى “ادىرنا” ۇلتتىق پورتالى.

“ەگەردە كارىز جۇيەسىنە قوسىلعان جاعدايدا باسسەين توقتاماس ەدى. وسى اۋدان ورتالىعىنان، اۋىلداردان تالاي بالالار كەلىپ، جاتتىعىپ، سول باسسەيندى پايدالاناتىن ەدى. وسى ماسەلەنى باسشىلار نازارعا السا ەكەن. ويتكەنى بۇنداي سۋ كەشەنى، تەننيس كورتى كوپ اۋدانداردا جوق. اتالعان سپورت كەشەنى ءاۋ باستا پايدالانۋعا بەرىلگەن كەزدە تۇركىستان وبلىستىق №3 وليمپيادا رەزەرۆىنىڭ مامانداندىرىلعان بالالار مەن جاسوسپىرىمدەر سپورت مەكتەبىنىڭ يەلىگىنە تابىستالعان. بارلىق قۇجاتتارى راسىمدەلىپ، اتالعان مەكتەپتىڭ مەنشىگىنە وتكىزىلگەن. اۋداندىق اكىمدىك قىزمەتكەرلەرىنىڭ ايتۋىنشا، وبلىستىق قارجى باسقارماسى ەكونوميكا باسقارماسىنا سۋ سپورت كەشەنىنە كارىز جۇيەسىن سالۋ بويىنشا قارجى بولۋگە ۇسىنىس بەرگەن”،-دەيدى ول.

ايتا كەتەيىك، زاماناۋي عيماراتتى بيزنەستىڭ الەۋمەتتىك جاۋاپكەرشىلىگى اياسىندا اۋداندا قۇس شارۋاشىلىعىمەن اينالىساتىن بىرىككەن اراب امىرلىگىنىڭ كومپانياسى سالىپ بەرگەن. جوبا قۇنى 1 ملرد تەڭگە. مۇندا 1 باسسەين مەن تەننيس كورتى جانە 5 سپورت الاڭشاسى بار. سوندىقتان اتا-انالار «باسشىلار وسى ماسەلەنى تەزىرەك شەشىپ بەرسە» دەيدى.

سونىمەن قاتار، باقىتجان اۋىلداعى سۋدىڭ ماسەلەسى تۋرالى بىرنەشە رەت تۇركىستان وبلىسى اكىمدىگىنە بارعان. قابىلداماپتى.

“بايدىبەك اۋدانى اعىبەت اۋىلدىق وكرۋگى اكىمدىگى اعىبەت اۋىلىنان باستاۋ الاتىن كىشى شايان وزەنىنىڭ ارناسى بۇزىلىپ شايان-اعىبەت-شاقپاق وبلىستىق ماڭىزى بار جولعا، 10 ۆت ەلەكتر باعانالارىنا قاۋىپ ءتونىپ تۇرعانىن، سۋ دەڭگەيىنىڭ تومەن ءتۇسىپ اۋىلداعى قۇدىقتاردىڭ تارتىلىپ تۇزدانعانىن ايتۋ ءۇشىن 2021 جىلى ارنايى تۇركىستان قالاسىنا وبلىس اكىمىنىڭ ورىنباسارى جەتپىسباي ارمان ءشارىپبايۇلىنا بارىپ ەدىم، قابىلدامادى. 2022 جىلى اقپان ايىندا ونلاين تۇردە قابىلداۋىندا بولدىم. بايدىبەك اۋدانى اكىمدىگىنىڭ جازعان سۇرانىس حاتىنا جاۋاپ بار ما بىلمەدىم، ماعان كۇنى بۇگىنگە دەيىن ەشقانداي جاۋاپ كەلمەدى. جەكە قابىلداۋدا بولعان سوڭ جاۋاپ بەرۋ كەرەك ەمەس پە؟ اعىبەت اۋىلىنان 2019 جىلى پايدالانۋعا بەرىلەدى دەپ الداۋسىراتقان دارىگەرلىك ەمحانانىڭ قۇجاتتارى ءالى كۇنگە دەيىن دايىن ەمەس. دارىگەرلىك ەمحانا جايى مەن 2022 جىلى تۇركىستان وبلىسى اكىمىنىڭ ورىنباسارى ءسابيتوۆ ارمان ءسابيتۇلىنىڭ قابىلداۋىندا ونلاين تۇردە بولعانمىن، ارمان ءسابيتۇلىنان دا جاۋاپ حات بولمادى. سوندا ءبىز قانداي مەملەكەتتە ءومىر ءسۇرىپ جاتىرمىز؟ جەكە قابىلداۋدا بولامىز تياناقتى، ناقتى جاۋاپ الا المايمىز؟ حالىقتىڭ مۇڭ-مۇقتاجىن كىم تىڭدايدى، ا. ءشارىپبايۇلى مەن ا. ءسابيتۇلىنىڭ قابىلداۋلارى تەك ستاتيستيكا ءۇشىن كەرەك بولعانى ما؟ قىركۇيەك ايىندا ايماق باسشىسى شوكەەۆ ومىرزاق ەستايۇلى بايدىبەك اۋدانىنا كەلسە وسى ەكى ورىنباسارىنىڭ ۇستىنەن شاعىم ايتسام دەيمىن؟ ۇكىمەت باسشىسى ءاليحان سمايىلوۆ وڭىرلەردى ارالار ما ەكەن، مۇڭ-مۇقتاجىمىزدى ايتىپ ىشتەگى كىجىلدەردى شىعارىپ كومەك سۇرار ەدىك. تومەندەگى تۇركىستان وبلىسىنىڭ قوعامدىق دب جىبەرىلگەن حاتتا ماعان جەتپەگەن، سەبەبىن كىم تۇسىندىرەر ەكەن؟”، دەپ كۇيىندى ول.

”ادىرنا” ۇلتتىق پورتالى

پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket