تۇركىستان وبلىسىندا جەمقورلىق فاكتىسىن حابارلاعان 7 ازاماتقا 1,6 ملن تەڭگە سىياقى بەرىلدى، دەپ حابارلايدى «ادىرنا» ۇلتتىق پورتالى
قر سىبايلاس جەمقورلىققا قارسى ءىس-قيمىل اگەنتتىگىنىڭ تۇركىستان وبلىسى بويىنشا دەپارتامەنتىنىڭ ءباسپاسوز قىزمەتىنىڭ مالىمەتىنشە, سوڭعى 3 جىلدا تۇركىستان وبلىسىندا جەمقورلىق قىلمىسىنىڭ جولىن كەسۋگە جاردەمدەسكەن 36 تۇرعىن 5,1 ملن تەڭگە سىياقى العان. ال بيىلعى جىل باسىنان بەرى جەمقورلىق فاكتىسىن حابارلاعان 7 ازاماتقا 1,6 ملن تەڭگە سىياقى تاعايىندالدى.
زاڭ تالاپتارىمەن كوزدەلگەن سىياقى مولشەرى جەمقورلىق قۇقىق بۇزۋشىلىقتىڭ اۋىرلىعىنا بايلانىستى تولەنەدى. ەڭ جوعارى سىياقى مولشەرى بيىلعى جىلى 13 ملن 800 مىڭ تەڭگەنى قۇراپ وتىر. سىياقى سوتتىڭ زاڭدى كۇشىنە ەنگەن ايىپتاۋ ۇكىمى نەمەسە اكىمشىلىك جازا تۋرالى قاۋلىسى بولعاندا بەرىلەدى. سىبايلاس جەمقورلىق فاكتىلەرىنە تاپ بولعان كەز كەلگەن ازامات @antikorkz_bot Telegram-بوتى نەمەسە 1424 ءنومىرى ارقىلى ارقىلى حابارلاي الادى، - دەلىنگەن قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ تۇركىستان وبلىسى بويىنشا دەپارتامەنتىنىڭ ءباسپاسوز قىزمەتى ۇسىنعان اقپاراتتا.
«ادىرنا» ۇلتتىق پورتالى
ۇقساس جاڭالىقتار
