Özbekstan men Resei äskeri yntymaqtastyq josparyna qol qoidy

178
Adyrna.kz Telegram
https://adyrna.kz/storage/uploads/gfqKhxjr5k8eQhz0SADORnz81VbyZANNE4sEd96x.png

Foto: TASS

Özbekstan men Resei 2027 jylǧa arnalǧan äskeri yntymaqtastyq josparyn bekıttı, dep habarlaidy "Adyrna" ūlttyq portaly TASS-qa sıltep.

Qūjat Resei qorǧanys ministrı Andrei Belousov pen Özbekstan Qorǧanys ministrlıgınıŋ basşysy Botir Kudrathodjaevtyŋ kelıssözderı nätijesınde qabyldandy.

Kezdesu Resei qorǧanys vedomstvosy basşysynyŋ Özbekstanǧa jūmys sapary aiasynda öttı. Taraptar qorǧanys salasyndaǧy özara ıs-qimyldy damytu jäne öŋırlık qauıpsızdık mäselelerın talqylady.

Andrei Belousovtyŋ aituynşa, ekı el arasyndaǧy äskeri yntymaqtastyq keŋeiıp keledı. Ol būl ärıptestıktıŋ Ortalyq Aziiadaǧy qauıpsızdıktı nyǧaitu üşın maŋyzdy ekenın atap öttı.

Sonymen qatar Resei men Özbekstan 2026–2030 jyldarǧa arnalǧan äskeri saladaǧy strategiialyq ärıptestık baǧdarlamasyn jüzege asyryp jatyr. Qūjat jyl saiyn 60-tan astam ıs-şara ötkızudı közdeidı. Olardyŋ qatarynda bırlesken äskeri oqu-jattyǧular, jauyngerlık daiarlyq sabaqtary jäne äskeri qyzmetşılerdı oqytu bar.

Eske salaiyq, 2026 jylǧy qazanda ekı eldıŋ qūrlyq äskerlerı Termez poligonynda bırlesken oqu-jattyǧu ötkızgen.

Pıkırler