قازاقستاندىق نارىقتا جاڭا وتاندىق ونىمدەر كوبەيىپ كەلەدى. سولاردىڭ ءبىرى – HESS قىتىرلاقتارى. 2025 جىلدىڭ 18 قازانىندا نارىققا شىققان برەند قىسقا ۋاقىت ىشىندە 24 ءتۇرلى دامنەن تۇراتىن اسسورتيمەنت قالىپتاستىردى.
تۇتىنۋشى قىزىعۋشىلىعىنا قاراي جاڭا ءدام
HESS قىتىرلاقتارىندا قايماق، ىرىمشىك پەن سارىمساق سياقتى ۇيرەنشىكتى دامدەردەن باستاپ، كاۋاپ، كراب، ومار، ۋىلدىرىق جانە حولودەتس دامىنە دەيىنگى نۇسقالار بار. سونىمەن قاتار ازيالىق اسحانادان شابىت العان تەرياكي، ۆاسابي، سىچۋان بۇرىشى، تاي بۇرىشى، لايم قوسىلعان چيلي جانە تەڭىز بالدىرلارىنىڭ دامدەرى ۇسىنىلادى.
مۇنداي الۋان تۇرلىلىك جاڭا دامدەردى بايقاپ كورۋدى ۇناتاتىندارعا ءوز تالعامىنا ساي ءونىم تاڭداۋعا مۇمكىندىك بەرەدى. برەندتىڭ باستى ەرەكشەلىكتەرىنىڭ ءبىرى دە – وسى ءداستۇرلى نۇسقالارمەن شەكتەلمەي، جاڭا ءدام ۇيلەسىمدەرىن سىناۋعا ۇمتىلۋىندا.
ء«بىز تاجىريبە جاساۋدان قورىقپايمىز. ەگەر ءدام تۇتىنۋشىلاردىڭ قىزىعۋشىلىعىن تۋدىرادى دەپ ويلاساق، ونى ساتىلىمعا شىعارىپ، حالىقتىڭ پىكىرىن باقىلايمىز. ياعني، تۇتىنۋشى قىزىعۋشىلىعىنا قاراي جاڭا ءدام شىعىپ وتىرادى»، – دەيدى ماركەتولوگراحات سىزدىقوۆ
حالال ءونىم
HESS ونىمدەرى الماتى وبلىسىنداعى «Food Technology» جشس ءوندىرىس ورنىندا دايىندالادى. ءونىمنىڭ نەگىزىنە قازاقستاندا وندىرىلگەن نان مەن ماي پايدالانىلادى، ال دامدەۋىشتەر ەۋروپادان جەتكىزىلەدى.
كاسىپورىنداعى قاپتاۋ جەلىسىنىڭ قۋاتى مينۋتىنا 120 قاپتاما شىعارۋعا مۇمكىندىك بەرەدى. كومپانيانىڭ ەسەپتەۋىنشە، ءوندىرىس كۇنىنە 9 ساعات، ايىنا 26 كۇن جۇمىس ىستەگەن جاعدايدا، جىلىنا 1 200 توننادان استام ءونىم وندىرۋگە قاۋقارلى. بۇل شامامەن 60 گرامدىق 20 ميلليون قاپتاماعا تەڭ. ءوندىرىستىڭ مۇنداي مۇمكىندىگى سۇرانىسقا قاراي ءونىم كولەمىن ارتتىرۋعا جاعداي جاسايدى.
كومپانيا ءوندىرىس بارىسىندا ازىق-تۇلىك قاۋىپسىزدىگى تالاپتارىن ساقتاۋعا جانە دايىن ءونىمنىڭ ساپاسىن باقىلاۋعا ءمان بەرەدى.
برەندتىڭ تاعى ءبىر ەرەكشەلىگى – حالال سەرتيفيكاتىنىڭ بولۋى. بۇل ءونىم تاڭداعاندا اتالعان تالاپقا نازار اۋداراتىن تۇتىنۋشىلار ءۇشىن اسا ماڭىزدى.
جاستارمەن ءبىر تولقىندا
HESS ءوز اۋديتورياسىن تەك دۇكەن سورەلەرىنەن ىزدەمەيدى. برەند سپورت، كيبەرسپورت، ستۋدەنتتىك ورتا جانە الەۋمەتتىك جەلىلەر ارقىلى جاستارمەن بايلانىس ورناتۋعا ۇمتىلادى.
قىركۇيەك ايىندا كومپانيا استانادا وتكەن مارافونعا قاتىسۋشىلاردىڭ ستارتتىق جيىنتىقتارىنا ونىمدەرىن قوستى. سونداي-اق استاناداعى كومپيۋتەرلىك كلۋبتاردىڭ بىرىندە العاشقى سىناق جوباسىن ىسكە قوسىپ، جوعارى وقۋ ورىندارىندا دەگۋستاتسيالار مەن ءونىم تاراتۋ شارالارىن وتكىزەدى.
TikTok جەلىسىندە دە برەند قىسقا ۆيدەولار ارقىلى اۋديتوريامەن بايلانىس ورناتىپ، پايدالانۋشىلار جاساعان كونتەنتكە نازار اۋدارادى.
HESS برەندىنىڭ نەگىزىن قالاۋشى سەرگەي رومانوۆتىڭ ايتۋىنشا، كومپانيا ءۇشىن قازاقستاندا ءونىم ءوندىرۋ ماڭىزعا يە.
ء«بىز ءۇشىن ءونىمدى قازاقستاندا وندىرۋدەن بولەك، وسى ەلدە وزىندىك سيپاتى، اۋقىمدى ماقساتى جانە دامۋ الەۋەتى بار برەندتى قالىپتاستىرۋ ماڭىزدى»، – دەيدى HESS برەندىنىڭ نەگىزىن قالاۋشى سەرگەي نيكولاەۆيچ رومانوۆ.
برەند الداعى ۋاقىتتا اسسورتيمەنتىن دامىتىپ، تۇتىنۋشىلاردىڭ تالعامىنا ساي جاڭا دامدەردى سىناۋدى جالعاستىرۋدى كوزدەيدى. كومپانيانىڭ باستى قاعيداتتارى – ساپا، قولجەتىمدىلىك، دامۋ، ادال باسەكەلەستىك جانە تۇتىنۋشىلارعا جاعىمدى اسەر سىيلاۋ.
24 ءتۇرلى ءدامى، جەرگىلىكتى ءوندىرىسى جانە جاستارمەن بايلانىس ورناتۋعا باعىتتالعان جوبالارى بار HESS قازاقستاندىق سنەك نارىعىندا ءوز ورنىن قالىپتاستىرۋعا ۇمتىلىپ كەلەدى. ال برەندتىڭ كەلەسى دامۋ كەزەڭىن تۇتىنۋشىلاردىڭ تاڭداۋى مەن نارىقتاعى سۇرانىس ايقىندايدى.
