رەسەيدىڭ cاۋدا ساياساتى تۇرعىسىنان ەل سەرىكتەسى ەكەنى حابارلاندى. اتاپ ايتقاندا، مينيسترلەر كابينەتىندە رەسەيدىڭ قازاقستاندىق وندىرۋشىلەردىڭ باس يمپورتتاۋشىسى بولىپ قالا بەرەتىنى ايتىلدى، دەپ حابارلادى "ادىرنا" ۇلتتىق پورتالى پرەمەر-ءمينيستردىڭ ءباسپاسوز قىزمەتىنە سىلتەمە كورسەتە وتىرىپ.
"قازاقستاندىق وندىرۋشىلەر دايىن ءونىمىنىڭ اينالىمى 2023 جىلدىڭ ءبىرىنشى جارتىجىلدىعىندا 3 39,4 ملرد بولدى، بۇل وتكەن جىلدىڭ سايكەس كەزەڭىمەن سالىستىرعاندا 22%-عا جوعارى. ولاردىڭ ۇشتەن ءبىرى قازاقستاننان شيكىزاتتىق ەمەس تاۋارلاردى ەكسپورتقا تاسىمالداۋدان تۇرادى. 12,1 ملرد دوللار سوماسىنا ەكسپورتتىق جەتكىزىلىمدەردىڭ ەڭ كوپ كولەمى رەسەيگە، قىتايعا، وزبەكستانعا، تۇركياعا، الىس شەت ەلدەردەن — نيدەرلاندىعا، ۇلىبريتانياعا، جاپونياعا جونەلتىلەدى", - دەلىنگەن سەيسەنبى كۇنگى حابارلامادا.
ناقتىراق ايتا كەتەيىك، اعىمداعى جىلدىڭ التى ايىندا قازاقستاندىق دايىن ونىمدەردى ەكسپورتتاۋ كولەمى ايتارلىقتاي وسكەن. ءارى ونى جاھاندا جەتكىزۋ اۋقىمى دا 114-تەن 125 ەلگە دەيىن كەڭەيگەن.
"وتاندىق تاۋار وندىرۋشىلەردىڭ سىرتقى نارىققا شىعۋىن قامتاماسىز ەتۋ ءۇشىن قر ساۋدا جانە ينتەگراتسيا مينيسترلىگى ەكسپورتتاۋشىلارعا مەملەكەتتىك قولداۋ شارالارىن كورسەتىپ وتىر. بۇل - ساۋدا ميسسيالارىن ۇيىمداستىرۋ، حالىقارالىق كورمەلەر مەن بيزنەس-فورۋمدارعا جونەلتۋ، وقىتۋ جوبالارى مەن باعدارلامالارىنا قاتىستىرۋ سىندى باعدارلار. وسىلايشا، اكسەلەراتسيا باعدارلاماسى قازاقستاندىق كومپانيالارعا جاڭا نارىقتى يگەرۋگە كومەكتەسەدى. بيىل باعدارلاماعا قاتىسۋ ءۇشىن تاماق، حيميا، توقىما جانە قىزمەت كورسەتۋ سالالارىن ەكسپورتتايتىن 111 كاسىپورىن تاڭدالدى.ەكسپورتتاۋشى كومپانيالارعا قولداۋ كورسەتۋ ءۇشىن ساۋدا-ەكونوميكالىق جوبالار ۇيىمداستىرادى", - دەپ ناقتىلادى مينيسترلەر كابينەتى.
"ادىرنا" ۇلتتىق پورتالى
