قۇجات جيناۋ، كەپتەلىستە تۇرۋ، قاراجاتتى شوتتا بۇعاتتاۋ، بانككە بارۋ جانە ونىڭ جابىلۋىنا دەيىن ۇلگەرۋگە تىرىسۋ. بۇل جاعداي سىزگە دە تانىس پا؟ بۇرىن كەپىلدىك الۋ ۇدەرىسى وسىنداي قيىندىقتارمەن بايلانىستى بولاتىن. بۇگىندە تسيفرلاندىرۋدىڭ ارقاسىندا Halyk بانكىندە كەپىلدىك راسىمدەۋگە ءبىر جۇمىس كۇنىنىڭ ورنىنا نەبارى 10 مينۋت جەتكىلىكتى. دەمەك، قۇجات راسىمدەۋگە از ۋاقىت جۇمسالىپ، بيزنەستى دامىتۋعا كوبىرەك مۇمكىندىك تۋادى. بيزنەس قاجەتتىلىگىنە قاراي كەپىلدىكتىڭ قاي ءتۇرىن تاڭداعان دۇرىس ەكەنىن قاراستىرايىق.
تەندەرگە قاتىسۋ ءۇشىن قانداي كەپىلدىك قاجەت؟
ەڭ الدىمەن، كونكۋرسقا قاتىسۋدان باستايىق. بۇل جاعدايدا مەملەكەتتىك ساتىپ الۋ جانە «سامۇرىق-قازىنا» پورتالدارىنا ارنالعان تسيفرلىق بلانكتىك تەندەرلىك كەپىلدىكتەر قولايلى. ولاردىڭ كومەگىمەن بيزنەس وكىلدەرى كونكۋرس اياقتالعانعا دەيىن ۇيىمداستىرۋشىنىڭ شوتىنا قاراجات اۋدارىپ، ونى بۇعاتتاماي-اق قارجىلىق سەنىمدىلىگىن راستاي الادى. مۇنداي كەپىلدىكتى كەپىلزات ۇسىنباي جانە بانك بولىمشەسىنە بارماي راسىمدەۋگە بولادى.
Halyk كەپىلدىك راسىمدەۋ ۇدەرىسىن عانا جەڭىلدەتكەن جوق. كاسىپكەرلەرگە وزدەرىنە سايكەس ساتىپ الۋلاردى تابۋعا جانە ولارعا قاتىسۋعا كومەكتەسەتىن قوسىمشا سەرۆيستەر دە ىسكە قوسىلدى. مىسالى، «تەندەرلەر بويىنشا ۇسىنىستار» سەرۆيسى كومپانيانىڭ قىزمەت باعىتىن ەسكەرە وتىرىپ، كۇن سايىن وزەكتى ۇسىنىستاردى جيناقتايدى. بۇل كاسىپكەرلەرگە ساتىپ الۋلاردى ءوز بەتىنشە ىزدەۋگە ۋاقىت جۇمساماي، وزدەرىنە لايىقتى لوتتاردى جىلدام تابۋعا مۇمكىندىك بەرەدى.
ساتىپ الۋعا تۇراقتى قاتىسىپ، كەپىلدىك راسىمدەۋگە كەتەتىن شىعىندى وڭتايلاندىرۋدى كوزدەيتىن كاسىپكەرلەرگە دە شەشىم بار. Halyk ءۇش تاريفتىك پاكەتتى ۇسىنادى. Tender Pro – تەندەرلەرگە تۇراقتى قاتىساتىن كومپانيالارعا، ال Tender – ساتىپ الۋلارعا اندا-ساندا قاتىساتىن كاسىپكەرلەرگە ارنالعان. Salem پاكەتى ارقىلى شاعىن سوماداعى تەندەرلەرگە قاتىسۋعا بولادى.
بۇل جۇيە جازىلىم نەمەسە مەديتسينالىق ساقتاندىرۋ قاعيداتىنا ۇقسايدى. كاسىپكەر پاكەت ساتىپ الىپ، بەلگىلەنگەن سوما شەگىندە تەندەرلىك كەپىلدىكتەردى تەگىن راسىمدەۋ مۇمكىندىگىنە يە بولادى. تاريفتەر بيزنەستىڭ كەز كەلگەن تۇرىنە قولجەتىمدى. ول ءۇشىن Halyk كليەنتى بولۋ جەتكىلىكتى.
تەندەردە جەڭىسكە جەتكەندەرگە قانداي كەپىلدىك قاجەت؟
تەندەرگە قاتىسۋ – العاشقى قادام عانا. كونكۋرستا جەڭىسكە جەتكەننەن كەيىن كاسىپكەر شارتتى ورىنداۋعا كىرىسۋى كەرەك. ول ءۇشىن مىندەتتەمەلەردىڭ ورىندالۋىنا كەپىلدىك تالاپ ەتىلۋى مۇمكىن.
Halyk ۇسىناتىن مىندەتتەمەلەردىڭ ورىندالۋىنا ارنالعان تسيفرلىق بلانكتىك كەپىلدىكتى جەكە كاسىپكەرلەر مەن جاۋاپكەرشىلىگى شەكتەۋلى سەرىكتەستىكتەر راسىمدەي الادى. ءبىر كەپىلدىكتىڭ سوماسى 100 ملن تەڭگەگە دەيىن، ال كەپىلدىكتەردىڭ جالپى سوماسى 200 ملن تەڭگەگە دەيىن جەتەدى. بۇل كاسىپكەرگە شارت تالاپتارىن ورىنداۋعا دايىن ەكەنىن راستاۋعا جانە كونكۋرستاعى جەڭىستەن ناقتى جۇمىسقا كوشۋگە مۇمكىندىك بەرەدى.
تاپسىرىس بەرۋشى بەلگىلەگەن باعادان تومەن باعا ۇسىنعاندارعا نە قاجەت؟
كەيدە تەندەردە جەڭىسكە جەتۋ ءۇشىن كاسىپكەر تاپسىرىس بەرۋشى بەلگىلەگەن باعادان تومەن باعا ۇسىنادى. مۇنداي جاعدايدا دەمپينگكە قارسى قامتاماسىز ەتۋ تالاپ ەتىلۋى مۇمكىن. بۇل رەتتە ساتىپ الۋ تالاپتارىن ورىنداۋمەن قاتار، اينالىمداعى قاراجاتتى ساقتاپ قالۋ دا ماڭىزدى.
كاسىپكەر ءوز قاراجاتىن اينالىمنان شىعارۋدىڭ نەمەسە كرەديتتىك جەلىنى پايدالانۋدىڭ ورنىنا دەمپينگكە قارسى تسيفرلىق بلانكتىك كەپىلدىك راسىمدەي الادى. بۇل ساتىپ الۋ تالاپتارىن ورىنداۋعا، اينالىم قاراجاتىن بۇعاتتاماۋعا جانە ۇزاق راسىمدەۋ ۇدەرىسىنەن اۋلاق بولۋعا مۇمكىندىك بەرەدى.
قورىتا ايتقاندا، كەپىلدىكتىڭ ءتۇرىن تاڭداۋ كاسىپكەردىڭ ماقساتىنا بايلانىستى. ولار تەندەرگە قاتىسۋ، جەڭىسكە جەتكەننەن كەيىن شارتتى ورىنداۋعا كىرىسۋ نەمەسە ۇسىنىلعان باعانىڭ نەگىزدىلىگىن راستاۋ بولۋى مۇمكىن. Halyk-ءتىڭ تسيفرلىق شەشىمدەرى وسى كەزەڭدەردىڭ ارقايسىسىنان جەڭىل ءارى جىلدام وتۋگە، اينالىمداعى قاراجاتتى ساقتاۋعا جانە بيزنەستى دامىتۋعا باسىمدىق بەرۋگە كومەكتەسەدى.
