«حالىقتىق قۇرىلىس»: تالدىقورعاندا كرەاتيۆ ورتالىعى، جاڭا مۋزەي جانە حالىق شىعارماشىلىعى ورتالىعى اشىلادى

190
Adyrna.kz Telegram
https://adyrna.kz/storage/uploads/4JU3xAEVcrYGM0MWRXb03qR9TvyPn3fXu1Pq0kRQ.jpg

پرەزيدەنتتىڭ «حالىقتىق قۇرىلىس» باعدارلاماسى اياسىندا جەتىسۋ وبلىسىندا كەلەسى جىلى اۋقىمدى قۇرىلىس جۇمىستارى جۇرگىزىلىپ، بىرقاتار ءىرى جوبالار جۇزەگە اسىرىلادى. ولاردىڭ قاتارىندا مادەنيەت سالاسىنىڭ نىساندارى دا بار. اتاپ ايتقاندا، تالدىقورعاندا كرەاتيۆ ورتالىعىنىڭ قۇرىلىسى اياقتالۋعا جاقىن. كەلەسى جىلى جاڭا مۋزەي عيماراتى سالىنا باستايدى. ال قازىرگى مۋزەي عيماراتى قايتا جاڭعىرتىلىپ، وندا حالىق شىعارماشىلىعى ورتالىعى ورنالاسادى. بۇل تۋرالى وبلىس اكىمى بەيبىت يساباەۆ وبلىس ورتالىعىنداعى قۇرىلىس الاڭدارىن ارالاۋ بارىسىندا ايتتى، – دەپ حابارلايدى جەتىسۋ وبلىسى اكىمىنىڭ ءباسپاسوز قىزمەتى.

قازىرگى ۋاقىتتا كرەاتيۆ ورتالىعى عيماراتى پايدالانۋعا بەرۋگە دايىن.

بەيبىت يساباەۆ اتاپ وتكەندەي، عيماراتتى قايتا جاڭعىرتۋ كەزىندە قاسبەتىن قاپتاۋعا ەرەكشە كوڭىل بولىنگەن. ماتەريالدار ساپاسى مەن توزىمدىلىگى، سونداي-اق ەستەتيكالىق تارتىمدىلىعى ەسكەرىلە وتىرىپ تاڭدالعان. سونىڭ ناتيجەسىندە عيماراتتىڭ زاماناۋي ءارى كورنەكتى كەلبەتى قالىپتاستى. سونىمەن قاتار وبلىس اكىمى جاۋاپتى تۇلعالارمەن كرەاتيۆ ورتالىعى عيماراتىنداعى ماڭدايشالاردىڭ ءستيلى مەن ديزاينىن تالقىلادى، ديزاين جاڭارتىلعان قاسبەتتىڭ جالپى كەلبەتىمەن ۇيلەسۋى ءتيىس ەكەنىن ايتتى.

-مەملەكەت باسشىسى جاريالاعان «حالىقتىق قۇرىلىس» باعدارلاماسى اياسىندا كەلەسى جىلى جەتىسۋ وبلىسىندا اۋقىمدى قۇرىلىس جۇمىستارى جۇرگىزىلىپ، بىرقاتار ءىرى ينفراقۇرىلىمدىق جوبالار جۇزەگە اسىرىلادى. جاڭا مۋزەي عيماراتىنىڭ قۇرىلىسىن باستايمىز، ونىڭ ىشىندە بالالار مۋزەيى دە بولادى. ال قازىرگى مۋزەي عيماراتىنا جاڭعىرتۋ جۇمىستارىن جۇرگىزىپ، حالىق شىعارماشىلىعى ورتالىعىن اشامىز. مۇنىڭ ءبارى زاماناۋي تسيفرلىق تەحنولوگيالار مەن جاساندى ينتەللەكتىنى ەنگىزۋ ارقىلى جۇزەگە اسىرىلادى. سونداي-اق بيىل 100 جىلدىق مەرەيتويىن اتاپ ءوتىپ وتىرعان دانەش راقىشەۆتىڭ اتىنداعى وبلىستىق فيلارمونيا عيماراتىنىڭ قاسبەتىن جاڭارتۋدى جوسپارلاپ وتىرمىز. ال كرەاتيۆ ورتالىعىن جاقىن ارادا پايدالانۋعا بەرەمىز. مۇندا جاستاردىڭ ءوزىن-ءوزى دامىتۋىنا بارلىق جاعداي جاسالعان. ولار ءوز جوبالارىمەن تەگىن جۇمىس ىستەپ، ستارتاپتارىن دامىتىپ، يدەيالارىن جۇزەگە اسىرا الادى، – دەدى ب. يساباەۆ.

اتاپ وتسەك، «سامۇرىق-قازىنا» قورىنىڭ قولداۋىمەن كوركەمسۋرەت گالەرەياسىنىڭ بازاسىندا قۇرىلعان كرەاتيۆ ورتالىعى قولونەرشىلەرگە، بيزنەس وكىلدەرىنە، جاس ستارتاپەرلەرگە ارنالعان. ورتالىق شىعارماشىلىققا، ءبىلىم الۋعا جانە جاڭا IT-تەحنولوگيالاردى دامىتۋعا باعىتتالعان قالالىق كرەاتيۆتى يندۋستريالار كەڭىستىگىنە اينالماق. سونىمەن قاتار كوركەمسۋرەت گالەرەياسى عيماراتتىڭ ءۇشىنشى قاباتىندا جۇمىسىن جالعاستىرادى.

پىكىرلەر