جەتىسۋ وبلىسىنىڭ پوليتسەيلەرى كامەلەتكە تولماعان بالانى ۇتىكپەن كۇيدىرگەن دەگەن اقپاراتقا پىكىر ءبىلدىردى، دەپ حابارلايدى “ادىرنا” ۇلتتىق پورتالى.
باق-تا تالدىقورعان قالاسىنداعى كامەلەتكە تولماعانداردى بەيىمدەۋ ورتالىعىندا بالانى ۇتىكپەن كۇيدىرگەن دەگەن اقپاراتقا تارادى.
اقپاراتتى العاش بولىپ وبلىستىق ءماسليحات دەپۋتاتى ەرمەك ەگىنباەۆ Instagram-داعى پاراقشاسىندا جاريالاعان. وندا تالدىقورعانداعى كامەلەتكە تولماعانداردى بەيىمدەۋ ورتالىعىندا جاس ءبۇلدىرشىندى ۇتىكپەن كۇيدىرگەنى تۋرالى جازبا جاريالاندى. ارتىنشا دەپۋتات جاراقات الدى دەگەن بالانىڭ اپكەسىمەن بىرگە وسى وڭالتۋ ورتالىعىندا ءبىر اي جاتقانىن ءبىلدى. ورتالىقتاعى بالالاردىڭ اناسى جاقىندا قايتىس بولعان.
NUR.KZ پورتالىنىڭ مالىمەتىنشە، پوليتسياعا تالدىقورعان قالاسىنداعى كامەلەتكە تولماعانداردى بەيىمدەۋ ورتالىعىندا كامەلەتكە تولماعان بالاعا قاتىگەزدىك كورسەتۋ وقيعاسى بولۋى مۇمكىن ەكەنى تۋرالى حابارلاما تۇسكەن. پوليتسيا مەكەمە قىزمەتكەرلەرىنىڭ زورلىق-زومبىلىق ارەكەتتەرىنەن 7 جاسار بالانىڭ دەنەسىنەن كۇيىك انىقتاعانىن مالىمدەدى.
“قازىرگى ۋاقىتتا اتالعان فاكت بويىنشا قىلمىستىق ءىس قوزعالىپ، باستاپقى تەرگەۋ شارالارى جۇرگىزىلىپ، ورتالىق قىزمەتكەرلەرىنەن تۇسىنىكتەمەلەر الىندى. مەكەمە باسشىلىعى بالانى كۇيىك شالعان وقيعانىڭ 2024 جىلدىڭ 24 شىلدەسىندە جازاتايىم بولعانىن العا تارتادى. الايدا، تاعىلعان ايىپتىڭ اۋىرلىعىن ەسكەرە وتىرىپ، پوليتسيا ءبولىمى قوسىمشا ساراپتامالار، سونىڭ ىشىندە سوت-مەديتسينالىق ساراپتاما تاعايىندادى. كۋاگەرلەردەن، ونىڭ ىشىندە ورتالىق قىزمەتكەرلەرى مەن تاربيەلەنۋشىلەرىنەن جاۋاپ الىنىپ جاتىر", - دەلىنگەن وبلىستىق پد تاراتقان حابارلامادا.
