استانادا LRT جۇيەسىنىڭ قۇرىلىسىنا بايلانىستى تاعى بىرقاتار جول جارتىلاي جابىلادى. بۇل تۋرالى ەلوردا اكىمدىگىنىڭ ءباسپاسوز قىزمەتى جاريالادى، دەپ حابارلايدى “ادىرنا” ۇلتتىق پورتالى.
"LRT سالۋ جونىندەگى جۇمىس جوسپارىنا سايكەس جانە استانا قالاسى پوليتسيا دەپارتامەنتىنىڭ كەلىسىمى بويىنشا سىعاناق كوشەسىندەگى جول قوزعالىسى ۋاقىتشا وزگەرەدى", — دەپ جازدى استانا قالاسى اكىمدىگىنىڭ ءباسپاسوز قىزمەتى.
كولىك قوزعالىسى ۋاقىتشا شەكتەلەتىن كوشەلەر:
22 مامىردان 20 ماۋسىمعا دەيىن قابانباي باتىر داڭعىلىنان باستاپ قازاق راديوسى كوشەسىنە دەيىنگى ۋچاسكەدە ماڭگىلىك ەل داڭعىلىنىڭ باعىتىندا وڭتۇستىك جاعى بويىنشا قوزعالىسقا ءىشىنارا شەكتەۋ ەنگىزىلەتىن بولادى. قابانباي باتىر داڭعىلىنا قاراي كەرى باعىت اشىق قالادى.
24 مامىردان 20 ماۋسىمعا دەيىن تۇركىستان كوشەسىنەن ماڭگىلىك ەل داڭعىلىنىڭ كولىك ايرىعىنا دەيىنگى ۋچاسكەدە جولاقتاردى تارىلتۋ ەسەبىنەن قوزعالىستى ءىشىنارا شەكتەۋ بولادى.
"ەلوردا قوناقتارى مەن تۇرعىندارىنان ءجۇرىپ — تۇرۋ باعىتىن الدىن الا جوسپارلاۋدى سۇرايمىز جانە كەلتىرىلگەن قولايسىزدىقتار ءۇشىن كەشىرىم سۇرايمىز", - دەدى ەلوردا اكىمدىگى.
City Transportation Systems كومپانياسى 21 ناۋرىزدان باستاپ استانادا LRT سالۋ ءۇشىن كوشەلەر جابىلا باستاعانىن حابارلاعان ەدى. قۇرىلىس جۇمىستارى ماگيسترالداردىڭ ءجۇرىس بولىگىنە ىرگەلەس ۋچاسكەلەردە جۇرگىزىلەدى.
بۇل شەشىم استانا تۇرعىندارىنا ۇناماعانى انىق. “پايداسى ەمەس، زيانى ءتيىپ جاتىر”، “تاعى دا كەپتەلىس”، “قاشان ءوزىن اقتايدى وسى” دەپ جازدى جەلى قولدانۋشىلارى.
