استانا قالاسىنداعى «NURORDA» مەكتەپ-ليتسەيىنىڭ 11-سىنىپ وقۋشىسى يبرايموۆ ابديجان ءابۋ رايحان ءال-بيرۋني اتىنداعى III حالىقارالىق حيميا وليمپياداسىندا التىن مەدال يەلەنسە، 10-سىنىپ وقۋشىسى نۇرلان گاۋحار كۇمىس جۇلدەگە قول جەتكىزدى.
2026 جىلعى 3–10 قاراشا ارالىعىندا وزبەكستاننىڭ نۇكىس قالاسىندا وتكەن ءابۋ رايحان ءال-بيرۋني اتىنداعى III حالىقارالىق حيميا وليمپياداسىنا (Abu Rayhan Biruni International Chemistry Olympiad - ARBIChO) الەمنىڭ 32 مەملەكەتىنەن كەلگەن دارىندى وقۋشىلار قاتىستى. ولاردىڭ قاتارىندا قازاقستان، رەسەي، وزبەكستان، كوستا-ريكا، ساۋد ارابياسى، يزرايل، موڭعوليا، تايلاند، مالايزيا، تاجىكستان جانە كاتار ەلدەرىنىڭ وكىلدەرى بار.
حالىقارالىق ءبىلىم دوداسى حيميا ءپانى بويىنشا وقۋشىلاردىڭ تەوريالىق ءبىلىمى مەن پراكتيكالىق داعدىلارىن باعالاۋعا باعىتتالعان. وليمپيادا تەوريالىق جانە ەكسپەريمەنتتىك كەزەڭدەردەن تۇرادى.
قاتىسۋشىلار حيميالىق ەسەپتەردى شەشۋ، عىلىمي زاڭدىلىقتاردى تەرەڭ ءتۇسىنۋ جانە زەرتحانالىق تاجىريبەلەردى ورىنداۋ بويىنشا بىلىمدەرىن سىنعا سالادى.
