استانادا ۇلتتىق قورعانىس ۋنيۆەرسيتەتىنىڭ الدىنا قويىلعان نازارباەۆ ەسكەرتكىشى الىندى، دەپ حابارلايدى «ادىرنا» ءتىلشىسى.
قورعانىس مينيسترلىگى بۇل شەشىمدى «تۇڭعىش پرەزيدەنت – ەلباسى اتىنداعى ۇلتتىق قورعانىس ۋنيۆەرسيتەتىنىڭ» اتاۋى «ۇلتتىق قورعانىس ۋنيۆەرسيتەتى» بولىپ وزگەرتىلۋىنە بايلانىستى قابىلدانعانىن ايتتى.
«وسىعان بايلانىستى ۇلتتىق قورعانىس ۋنيۆەرسيتەتىنىڭ اۋماعىندا ورنالاسقان تۇڭعىش پرەزيدەنتتىڭ ەسكەرتكىشىن قر قارۋلى كۇشتەرى مەملەكەتتىك اسكەري-تاريحي مۋزەيىنە كوشىرۋ جانە ورناتۋ تۋرالى شەشىم قابىلداندى. قازىر ەسكەرتكىش قورعانىس ۆەدومستۆوسىنا قاراستى عيماراتقا ۋاقىتشا قويىلدى. دايىندىق جۇمىسى جۇرگىزىلگەننەن كەيىن ەسكەرتكىش مۋزەيگە ورناتىلادى»،—دەدى مينيسترلىكتىڭ ءباسپاسوز قىزمەتى.
