Astana qalasyndaǧy «NURORDA» mektep-liseiınıŋ 11-synyp oquşysy İbraimov Abdijan Äbu Raihan äl-Biruni atyndaǧy III halyqaralyq himiia olimpiadasynda altyn medal ielense, 10-synyp oquşysy Nūrlan Gauhar kümıs jüldege qol jetkızdı.
2026 jylǧy 3–10 qaraşa aralyǧynda Özbekstannyŋ Nükıs qalasynda ötken Äbu Raihan äl-Biruni atyndaǧy III halyqaralyq himiia olimpiadasyna (Abu Rayhan Biruni International Chemistry Olympiad - ARBIChO) älemnıŋ 32 memleketınen kelgen daryndy oquşylar qatysty. Olardyŋ qatarynda Qazaqstan, Resei, Özbekstan, Kosta-Rika, Saud Arabiiasy, İzrail, Moŋǧoliia, Tailand, Malaiziia, Täjıkstan jäne Katar elderınıŋ ökılderı bar.
Halyqaralyq bılım dodasy himiia pänı boiynşa oquşylardyŋ teoriialyq bılımı men praktikalyq daǧdylaryn baǧalauǧa baǧyttalǧan. Olimpiada teoriialyq jäne eksperimenttık kezeŋderden tūrady.
Qatysuşylar himiialyq esepterdı şeşu, ǧylymi zaŋdylyqtardy tereŋ tüsınu jäne zerthanalyq täjıribelerdı oryndau boiynşa bılımderın synǧa salady.
