كەشە استانادا ورتتەن ءۇش ادامدى قۇتقارىپ قالعان ءورت ءسوندىرۋشى قازىر كوماعا جاتىر. ونىڭ دەنەسىنىڭ 80% پايىزىن كۇيىك شالعان. بۇل تۋرالى باتىرجان يبراگيم ەسىمدى ازامات ءوزىنىڭ فەيسبۋك پاراقشاسىندا حابارلادى، دەپ جازادى "ادىرنا" ۇلتتىق پورتالى.
"دۇعادا بولساڭىزدار. ورتتەن ءۇش ادامدى قۇتقارىپ، قازىر ءوزى كومادا جاتىر. دەنەسىنىڭ 80% پايىزىن كۇيىك شالعان ەكەن. قازىر جاعدايى وتە اۋىر. باتىر جىگىتتىڭ ەسىمى اسقار. ءورت ءسوندىرۋ قىزمەتىندە جۇمىس ىستەيدى. ۇيىندە كەلىنشەگى مەن ەكى كىشكەنتاي بالاپاندارى بارشا قازاق ەلىنەن تەك دۇعا ەتىڭىزدەرشى دەپ سۇراپ وتىر. امان بولسىنشى. ول ۇيدەگى ورتكە جوعارعى قاباتتان كىرۋ ءۇشىن قورعانىش كيىمىن شەشىپ، تەك دەم الۋ اپپاراتىن عانا العان. ۇيدەن 80 جاستاعى اجەنى، 22 جاستاعى نەمەرەسىن جانە كورشى پاتەردە بالكونعا تىعىلىپ قالعان 10 جاسار بالانى ورتتەن امان الىپ قالعان. اسقار بۇگىنگى كۇننىڭ باتىرى. اللادان اماندىعىن سۇرايىقشى. قازىر كەلىنشەگىنىڭ قولىندا اسقاردىڭ ساعاتى عانا قالدى. اسقاردىڭ ءومىر ساعاتى توقتاماسىن دەپ تىلەيىكشى. ءبارى جاقسى بولسىن", - دەپ جازدى ول.
ەستەرىڭىزگە سالا كەتەيىك، كەشە ساعات 10:43-تە ءورت ءسوندىرۋ بولىمشەسىنە باۋىرجان مومىشۇلى داڭعىلى، 14 مەكەن-جايىنداعى 15 قاباتتى ءۇيدىڭ 11-ءشى قاباتىنداعى پاتەردەن ءورت شىققانى تۋرالى حابارلاما كەلىپ تۇسكەن. الاپات ورتتەن 5 ادام، ونىڭ ىشىندە ءبىر بالا قۇتقارىلىپ، 10 ادام ەۆاكۋاتسيالاندى. كومىرتەگى توتىعىمەن ۋلانعان ءۇش ادام، ونىڭ ىشىندە ءبىر بالا اۋرۋحاناعا جەتكىزىلدى.
"ادىرنا" ۇلتتىق پورتالى
