بۇگىن، 2 قاراشادا مىرزا ەركەنبەك قازاقستان بوكس فەدەراتسياسىنىڭ سپورت ديرەكتورى قىزمەتىنە تاعايىندالدى، دەپ حابارلايدى «ادىرنا» ءتىلشىسى.
بۇعان دەيىن قازاقستان بوكس فەدەراتسياسىنىڭ باس حاتشىسىنىڭ كەڭەسشىسى قىزمەتىن اتقارعان ول ەندى فەدەراتسيانىڭ سپورتتىق باعىتىنا جەتەكشىلىك ەتەدى.
جاڭا قىزمەتىندە مىرزا ەركەنبەك ۇلتتىق قۇرامالار مەن جاسوسپىرىمدەر كوماندالارىنىڭ وقۋ-جاتتىعۋ پروتسەستەرىن ۇيىمداستىرۋ جانە ۇيلەستىرۋ، حالىقارالىق جارىستارعا دايىندىق جۇمىستارىن باقىلاۋ، جاتتىقتىرۋشىلار قۇرامىمەن ءوزارا جۇمىستى ۇيلەستىرۋ، سونداي-اق فەدەراتسيانىڭ سپورتتىق ستراتەگياسىن ىسكە اسىرۋعا جاۋاپتى بولادى.
«سپورت ديرەكتورىنىڭ نەگىزگى ماقساتى - قازاقستان بوكسشىلارىنىڭ حالىقارالىق ارەناداعى باسەكەگە قابىلەتتىلىگىن ارتتىرۋ، ۇلتتىق قۇرامانىڭ تۇراقتى جوعارى ناتيجەلەرگە قول جەتكىزۋىنە قاجەتتى جاعداي جاساۋ جانە وتاندىق بوكستىڭ دامۋىنا ۇلەس قوسۋ»،– دەلىنگەن حابارلامادا.
