قازاقستاندىق جۇرگىزۋشى كۋالىكتەرىنە چيپ ەندى قويىلمايدى، دەپ حابارلايدى "ادىرنا" ۇلتتىق پورتالى.
بۇل تۋرالى ىشكى ىستەر مينيسترلىگى حابارلادى.
ۆەدومستۆو كولىك قۇرالىن تىركەۋ كۋالىگى مەن جۇرگىزۋشى كۋالىگىنىڭ فورمالارى مەن ۇلگىلەرىنە قاتىستى ءمينيستردىڭ بۇيرىعىنا وزگەرىستەر ەنگىزۋ جونىندەگى جوبانى ازىرلەدى. قۇجات «اشىق نقا» پورتالىندا جاريالانعان.
جوبادا بيۋدجەت قاراجاتىن ۇنەمدەۋ ماقساتىندا چيپتەن باس تارتۋ شاراسى كورسەتىلگەن. مينيسترلىك تۇسىندىرگەندەي، چيپ-مودۋلدەردى ەنگىزۋ مەن پايدالانۋ قوسىمشا شىعىنداردى قاجەت ەتەدى. ال بۇگىندە ولاردىڭ بارلىق فۋنكتسيالارىن مەملەكەتتىك دەرەكتەر بازاسى مەن اقپاراتتىق جۇيەلەر تولىق اتقارىپ وتىر.
قۇجاتتا كورسەتىلگەندەي، بۇل شەشىم قۇجاتتاردى دايىنداۋ پروتسەسىن وڭتايلاندىرىپ، شىعىنداردى ازايتۋعا مۇمكىندىك بەرەدى.
ۇقساس جاڭالىقتار
