استانادا تجم قىزمەتكەرلەرى بيىكتىكتە قاۋىپتى جاعدايدا قالعان جۇمىسشىنى قۇتقاردى، دەپ حابارلايدى “ادىرنا”.
وقيعا ەسىل اۋدانىنداعى ساۋران كوشەسىندە بولعان. 1990 جىلى تۋعان ەر ادام تۇرعىن ءۇيدىڭ 15-قاباتىندا كونديتسيونەر ورناتۋ كەزىندە قۇلاپ، عيماراتتىڭ سىرتىنداعى تەمىر تىرەۋىشكە ءىلىنىپ قالعان. ول شامامەن 50 مەتر بيىكتىكتە بولعان.
وقيعا ورنىنا جەتكەن تجم قىزمەتكەرلەرى قۇتقارۋ جۇمىستارىنا اۆتوساتىنى پايدالاندى. ماماندار جۇمىسشىعا جەتىپ، ونى امان-ەسەن جەرگە ءتۇسىردى.
توتەنشە جاعدايلار مينيسترلىگى بيىكتىكتە جۇمىس ىستەۋ كەزىندە قاۋىپسىزدىك تالاپتارىن قاتاڭ ساقتاپ، جارامدى جەكە قورعانىس قۇرالدارىن پايدالانۋدىڭ ماڭىزىن ەسكە سالدى.
ۇقساس جاڭالىقتار
