استانادا ءسابيىنىڭ تۋعان كۇن قۋانىشىن تىم شۋلى اتاپ وتكەن تۇرعىن بەس تاۋلىككە اكىمشىلىك قاماۋعا الىندى. بۇل تۋرالى Polisia.kz جازدى، دەپ حابارلايدى “ادىرنا”.
اقپاراتقا سايكەس، 35 جاستاعى ازامات ءتۇن ورتاسىندا كوپقاباتتى تۇرعىن ءۇي كەشەنىنىڭ اۋلاسىندا، تەرەزەلەردىڭ ءدال تۇبىندە فەيەرۆەرك اتقان.
پوليتسيا وكىلدەرىنىڭ حابارلاۋىنشا، وتشاشۋدىڭ قاتتى داۋىسى ماڭايداعى تۇرعىنداردىڭ تىنىشتىعىن بۇزعان.
«ازاماتقا قاتىستى ۇساق بۇزاقىلىق پەن تىنىشتىقتى بۇزۋ باپتارى بويىنشا اكىمشىلىك حاتتامالار تولتىرىلدى. سوت شەشىمىمەن وعان بەس تاۋلىك مەرزىمگە اكىمشىلىك قاماۋ تۇرىندەگى جازا تاعايىندالدى»، – دەلىنگەن رەسمي حابارلامادا.
پوليتسيا دەپارتامەنتى قوعامدىق ءتارتىپ پەن ازاماتتاردىڭ تىنىشتىعىن بۇزا وتىرىپ پيروتەحنيكالىق بۇيىمداردى پايدالانۋ زاڭدى جاۋاپكەرشىلىككە اكەپ سوقتىراتىنىن ەسكەرتەدى.
