اباي وبلىسىندا جەل تۇرىپ، جاي جانىپ جاتقان ورتتەردى كۇشەيتىپ جىبەرۋ قاۋپى بار. بۇل تۋرالى توتەنشە جاعدايلار مينيسترلىگى ورتكە قارسى قىزمەت كوميتەتىنىڭ توراعاسى نۇربولات دەربىسوۆ ايتىپ بەردى، دەپ حابارلايدى “ادىرنا” ءتىلشىسى.
بۇگىن تىكۇشاقپەن بارلاۋدىڭ ناتيجەسىندە جاعدايدىڭ تۇراقتالعانى كورىنەدى. بىراق ەكى ەلدى-مەكەندە ورتتەردىڭ ىستىق نۇكتەلەرى انىقتالىپ جاتىر. جەكە قۇرامدار مەن بارلىق تەحنيكالار جۇمىلدىرىلدى. سونىمەن قاتار، تىكۇشاقتان سۋ تاستاۋ جۇمىسى دا جۇيەلى تۇردە جۇرگىزىلىپ جاتىر. قازىرگى تاڭدا وتكەن كۇندەرگە قاراعاندا جەل كۇشەيىپ جاتىر. وسى جەلدىڭ كۇشەيگەنى جاي جانىپ جاتقان وتتاردى قايتتان كۇشەيتىپ جىبەرۋ قاۋپى بار. سوندىقتان بارلىق قۇرالداردى مۇمكىندىگىنشە دايىنداپ، ءورت سوندىرۋگە ات سالىسامىز. بارلىعى باقىلاۋدا،- دەدى ول تجم تەلەگرام ارناسىندا.
