الماتىداعى ساتباەۆ كوشەسىندە ۆەلوجولاقتىڭ كوگالعا تىرەلىپ اياقتالۋى جەلى نازارىن اۋدارتتى، دەپ حابارلايدى “ادىرنا”.
بۇعان قاتىستى قوعامدىق كەڭىستىكتەردى دامىتۋ باسقارماسى تۇسىنىكتەمە بەردى.
الەۋمەتتىك جەلىدە قالا تۇرعىنى ساتباەۆ كوشەسىندەگى، Satbayev University ماڭىندا ورنالاسقان ۆەلوجولاقتىڭ اياقتالعان تۇسىنىڭ سۋرەتىن جاريالاعان. كادردا ۆەلوجولاقتىڭ ءۇزىلىپ، تروتۋار مەن كوگالعا جالعاسىپ كەتكەنى كورىنەدى.
جاريالانىم الەۋمەتتىك جەلى قولدانۋشىلارى اراسىندا قىزۋ تالقىلانىپ، تۇرعىندار جاعدايعا قاتىستى ءتۇرلى پىكىر بىلدىرگەن.
باسقارمانىڭ مالىمەتىنشە، اتالعان ۋچاسكەدەگى جۇمىستار ءالى تولىق اياقتالماعان.
«قازىر مەردىگەر ۇيىم جۇمىستى اتالعان ۋچاسكەگە دەيىن جەتكىزدى. تۇرعىندارعا قولايسىزدىقتى ازايتۋ قاجەتتىلىگىن ەسكەرە وتىرىپ، جۇمىستار قۇرىلىس بارىسىنا قاراي كەزەڭ-كەزەڭىمەن ورىندالىپ جاتىر»، – دەپ حابارلادى ۆەدومستۆو.
باسقارما مالىمەتىنشە، ۆەلوجولاق باتىس باعىتتا بايتۇرسىنوۆ كوشەسىنە دەيىن جالعاسادى. بۇل ءۇشىن قولدانىستاعى تروتۋار كەڭەيتىلىپ، ونىڭ ءبىر بولىگى ۆەلوجولاق رەتىندە قايتا جابدىقتالادى.
