الماتى اكىمى ەربولات دوساەۆ ونىڭ وتستاۆكاعا كەتۋىن تالاپ ەتكەن پەتيتسيا تۋرالى سۇراققا ويىن ءبىلدىردى، - دەپ حابارلايدى "ادىرنا" ۇلتتىق پورتالى.
الاتاۋ اۋدانىنىڭ تۇرعىندارىمەن كەزدەسۋدە بويجەتكەن مەگاپوليس باسشىسىنان قىزمەتىنەن كەتۋ تۋرالى وتىنىشكە قالاي قارايتىنىن سۇرادى.
ەربولات دوساەۆ الماتىدا 2,2 ميلليوننان استام ادام تۇرادى دەپ جىميىپ جاۋاپ بەردى. ال پەتيتسياعا قول قويعان 57 مىڭ ادامنىڭ اراسىندا جالعان ادامدار بولۋى مۇمكىن، ويتكەنى سايتتا اكىمنىڭ ايتۋىنشا، داۋىس بەرگەندەردىڭ اتى-ءجونى مەن جسن جازىلماعان.
«مۇمكىن، بۇل جەردە بوت-فەرمالدار جاقسى جۇمىس ىستەپ جاتقان شىعار. ويتكەنى مەن بۇل پەتيتسياعا قاراپ، جسن مەن فاميلياسىن كورسەتپەگەندەردىڭ بار ەكەنىن كوردىم. وسى جەردە كوتەرىلگەن ماسەلەلەرگە كەلسەك، ولاردىڭ ورىندالۋىن قاداعالايمىن. ءبىز تەك ۋادە بەرىپ قانا قويماي، ۇلكەن جۇمىس جاسايمىز. بۇگىن ادامدار ءارتۇرلى ماسەلەلەرمەن كەلدى: كەيبىرەۋلەرىنىڭ شەشىلمەگەن سۇراقتارى بار، كەيبىرەۋلەرىنىڭ ماسەلەلەرى ۋاقىتىندا اياقتالماعان. بىراق مەن قالانى كۇندەلىكتى جاڭا نارسە بولاتىن ءتىرى مەحانيزم ەكەنىن اتاپ وتكىم كەلەدى. اكىم رەتىندە ءسىزدىڭ پىكىرىڭىز مەن ءۇشىن ماڭىزدى، بىراق مەنىڭ جۇمىسىما مەملەكەت باسشىسى باعا بەرەتىن شىعار»، - دەدى الماتى اكىمى.
