قازاقستاندى ۆەلوسيپەدپەن ارالاپ جۇرگەن شىڭجاڭ تۋماسى بۇرلەن ادىلەتقىزىنىڭ «تەمىر تۇلپارى» استانادا ۇرلانعان. بۇل تۋرالى جۋرناليست بەردىبەك قابايۇلى الەۋمەتتىك جەلىدەگى پاراقشاسىندا جازدى، دەپ حابارلايدى “ادىرنا”.
بۇرلەن ادىلەتقىزى قازاقستان اۋماعىن 76 كۇن بويى ۆەلوسيپەدپەن ارالاپ، ەلدىڭ ءار ءوڭىرىن جاياۋ ەمەس، قوس دوڭگەلەكتى كولىگىمەن ءجۇرىپ وتكەن. ساياحاتشى ءۇشىن ەرەكشە ءمانى بار ۆەلوسيپەد ەلوردادا تۇرعان جەرىنەن بەلگىسىز بىرەۋلەردىڭ قولدى بولعان.
وقيعادان كەيىن بۇرلەن ادىلەتقىزى كوزىنە جاس الىپ، كوپشىلىكتەن كومەك سۇراعان. الەۋمەتتىك جەلى قولدانۋشىلارى ەلوردا تۇرعىندارىن ۆەلوسيپەدتى ىزدەۋگە اتسالىسۋعا شاقىرىپ، استانا قالاسىنىڭ پوليتسيا باسقارماسىنان ۇرلىققا قاتىسى بار ادامدى انىقتاپ، كولىكتى يەسىنە قايتارۋدى سۇراپ وتىر.
ايتا كەتەيىك، بۇرلەن ادىلەتقىزى قازاقستان بويىنشا ۆەلوساياحاتىن ءساۋىر ايىندا باستاعان. ونىڭ بۇل ەلگە جاساعان العاشقى ساپارى ەمەس. 2024 جىلى ول ءۇرىمشى قالاسىنان استاناعا ۆەلوسيپەدپەن 26 كۇندە جەتكەن.
سول ساپاردان كەيىن ساياحاتشى مىنگەن ۆەلوسيپەدىن تۇڭعىش پرەزيدەنت مۋزەيىنىڭ قورىنا تاپسىرعان.
قازىر كوپشىلىك 76 كۇن بويى بۇرلەن ادىلەتقىزىمەن بىرگە قازاقستاندى ارالاعان ۆەلوسيپەدتىڭ تابىلۋىن كۇتىپ وتىر.
