الماتىدا قالا ماڭىنا قاتىنايتىن جاڭا باعىت اشىلادى. بۇل تۋرالى قالالىق اكىمدىكتىڭ ءباسپاسوز قىزمەتى مالىمدەدى، دەپ حابارلايدى «ادىرنا» ۇلتتىق پورتالى.
بيىل 20 قازاننان باستاپ 12 جىلجىمالى بىرلىك جەلىسىندە قالا ماڭىنا قاتىنايتىن «تولە بي - ياسساۋي بۇرىلۋ الاڭى – قارعالى كەنتى» سىزباسى بويىنشا جۇرەتىن №236 باعىت اشىلادى ءارى كولىكتىڭ قوزعالىس ينتەرۆالى 17 مينۋت بولادى.
جولاۋشىلار مەن جۇكتى اۆتوموبيل كولىگىمەن تاسىمالداۋ ەرەجەلەرىنە سايكەس قىزمەت كورسەتۋ «NEO city TRANS» جشس تاسىمالداۋشىعا بەرىلدى. وسى باعىت بويىنشا جولاۋشىلاردى تاسىمالداۋ ISUZU HC-40 ماركالى اۆتوبۋستار جۇرگىزەتىن بولادى.
ەسكە سالساق، الماتى اگلومەراتسياسىن دامىتۋ اياسىندا الماتىنىڭ قالالىق موبيلدىلىك باسقارماسى 2023 جىلى 25 ەلدى مەكەندى قامتيتىن جاڭا قالا ماڭىنداعى باعىتتاردى ۇيىمداستىرۋدى جوسپارلاۋدا. بۇعان دەيىن 3 باعىت ىسكە قوسىلعان، ولار: №223 «ساياحات-نۇرا جانە تۋعانباي اۋىلدارى»، №233 «قاراوي – ساياحات اۋىلى»، № 240 «باتىر اۋىلى – «ادەم-1» ءسۇ، سولتۇستىك اينالما كوشەسى، قالعان باعىتتار ازىرلەنىپ جاتىر.
ودان بولەك، الماتى جانە الماتى اگلومەراتسياسىن دامىتۋ جوسپارىنا سايكەس 2024 جىلدىڭ سوڭىنا دەيىن 20 جاڭا قالا ماڭىنداعى باعىتتاردى ۇيىمداستىرۋ جوسپارلانىپ وتىر، ولاردىڭ ەسەبىنەن 50 ەلدى مەكەن قامتاماسىز ەتىلەدى.
«ادىرنا» ۇلتتىق پورتالى
