قاسىم-جومارت توقاەۆتىڭ قازاقستان پرەزيدەنتى قىزمەتىنە كىرىسكەنىنە جەتى جىل ءوتتى. وسى كەزەڭدە قازاقستان ەكونوميكاسىندا ەلەۋلى وزگەرىستەر بولدى.
ءجىو ءوسىمى
جان باسىنا شاققانداعى جالپى ىشكى ءونىم ۇلتتىق ۆاليۋتادا ەكى ەسەدەن استام ءوستى. 2019 جىلدىڭ ءبىرىنشى توقسانىندا بۇل كورسەتكىش 715,5 مىڭ تەڭگەنى قۇراسا، 2026 جىلدىڭ ءبىرىنشى توقسانىندا 1 ملن 661,6 مىڭ تەڭگەگە جەتتى.
وسىلايشا، اتاۋلى ءوسىم 2,3 ەسە بولدى.
جان باسىنا شاققانداعى ءجىو-ءنى دوللارمەن ەسەپتەگەندە دە وڭ ديناميكا بايقالادى. جەتى جىل ىشىندە بۇل كورسەتكىش 2 005,1 دوللاردان 3 338,3 دوللارعا دەيىن، ياعني شامامەن 1,7 ەسە ءوستى. تەڭگە مەن دوللارداعى ءوسىمنىڭ ايىرماشىلىعى، سونىڭ ىشىندە ۇلتتىق ۆاليۋتا باعامىنىڭ وزگەرۋىنە بايلانىستى.
حالىقارالىق رەزەرۆتەر
سونىمەن قاتار قازاقستاننىڭ تازا سىرتقى قارىزى ازايدى. 2019 جىلدىڭ ءبىرىنشى توقسانىندا ونىڭ كولەمى 51 ملرد دوللار بولسا، 2026 جىلدىڭ ءبىرىنشى توقسانىنا قاراي 35,1 ملرد دوللارعا دەيىن تومەندەدى. قارىز كولەمى شامامەن 16 ملرد دوللارعا نەمەسە 31%-عا قىسقاردى.
ەلدىڭ جالپى حالىقارالىق رەزەرۆتەرى ايتارلىقتاي ءوستى. قاراستىرىلىپ وتىرعان كەزەڭدە ولاردىڭ كولەمى 27 ملرد دوللاردان 66,8 ملرد دوللارعا دەيىن ۇلعايىپ، شامامەن 2,5 ەسە ارتتى.
حالىقارالىق رەزەرۆتەر مەملەكەتتىڭ قارجىلىق تۇراقتىلىعىن قولداۋعا، سىرتقى مىندەتتەمەلەردى ورىنداۋعا جانە ەكونوميكالىق كۇيزەلىستەر كەزىندە تاۋەكەلدەردى ازايتۋعا پايدالانىلادى.
التىن
حالىقارالىق رەزەرۆتەر قۇرامىنداعى مونەتارلىق التىن كولەمى ايتارلىقتاي ءوستى. 2019 جىلدىڭ ءبىرىنشى توقسانىندا ونىڭ قۇنى 15 ملرد دوللارعا باعالانسا، 2026 جىلدىڭ ءبىرىنشى توقسانىندا بۇل كورسەتكىش شامامەن 51,8 ملرد دوللارعا جەتتى.
وسىلايشا، مونەتارلىق التىننىڭ اقشالاي ماندەگى كولەمى شامامەن 3,45 ەسە ۇلعايدى.
زەينەتاقى
وزگەرىستەر الەۋمەتتىك سالانى دا قامتىدى. ەڭ تومەنگى زەينەتاقى مولشەرى 2019 جىلعى 36 108 تەڭگەدەن 2026 جىلى 69 049 تەڭگەگە دەيىن ءوستى.
وسىلايشا، ەڭ تومەنگى زەينەتاقى مولشەرى شامامەن 1,9 ەسە ارتتى.
