اقوردانىڭ ءباسپاسوز قىزمەتى بەرگەن اقپاراتقا ساي، رەسمي ساپار اياسىندا توكيو قالاسىنىڭ گۋبەرناتورى يۋريكو كويكە قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتى قازاق تىلىندە "قوش كەلدىڭىز!" دەپ جىلى شىراي تانىتا قارسى الدى.
كەزدەسۋ بارىسىندا تاراپتار قازاقستان مەن جاپونيا استانالارى اراسىنداعى ىنتىماقتاستىقتى دامىتۋ پەرسپەكتيۆالارىن، اتاپ ايتقاندا تسيفرلاندىرۋ، Smart city تەحنولوگيالارىن ەنگىزۋ، جاساندى ينتەللەكتىنى قالا باسقارۋ جۇيەسىنە پايدالانۋ جانە ورنىقتى دامۋ باعىتىنداعى ءوزارا ءىس-قيمىلدى تالقىلادى.
سونىمەن قاتار مەگاپوليس تۇرعىندارى مەن قوناقتارى ءۇشىن قاۋىپسىز، ەكولوگيالىق تازا ءارى ينكليۋزيۆتى قالالىق ورتا قالىپتاستىرۋ ماسەلەلەرىنە نازار اۋدارىلدى.
كەزدەسۋ اياسىندا استانا قالاسىنىڭ اكىمى جەڭىس قاسىمبەك پەن توكيو گۋبەرناتورى يۋريكو كويكە قازاقستان مەن جاپونيا استانالارى اراسىنداعى ءوزارا تۇسىنىستىك تۋرالى مەموراندۋمعا قول قويدى. قۇجات قالالاردى باسقارۋدا يننوۆاتسيالىق شەشىمدەردى ەنگىزۋ جانە تاجىريبە الماسۋدى كوزدەيدى.
