2024 جىلدىڭ 20 جەلتوقسانىندا ءپاريجدىڭ كاسساتسيالىق سوتى فرانتسيانىڭ بۇرىنعى پرەزيدەنتى نيكوليا ساركوزي مەن ونىڭ ادۆوكاتى سوتتىڭ جوعارى سۋدياسىمەن «كوررۋپتسيالىق كەلىسىم» جاساعانى ءۇشىن كىنالى دەپ تانىلدى، دەپ حابارلايدى "ادىرنا" ۇلتتىق پورتالى.
فرانتسيانىڭ بۇرىنعى پرەزيدەنتى نيكوليا ساركوزي، ادۆوكات تەرري ەرتسوگ كەلىسىم ارقىلى سوت ۇدەرىسىنە اسەر ەتۋ ماقساتىندا ازيبەردەن اقپارات الۋدى كوزدەگەنى مالىمدەدى.
ساركوزي ازيبەرگە موناكوداعى لاۋازىمدى قىزمەتتى ۇسىنۋ ارقىلى ونىڭ كومەگىن سۇراعان.
ساركوزي مەن ەرتسوگقا قاتىستى ءىس 2014 جىلى باستالعان، ال 2024 جىلدىڭ جەلتوقسانىندا كاسساتسيالىق سوت ولاردىڭ كىناسىن مويىندادى جانە ءۇش جىلدىق جازا تاعايىندادى. ساركوزيگە ءبىر جىل ناقتى تۇرمە جازاسى مەن ەكى جىل شارتتى جازا، ەلەكتروندى بىلەزىك تاعۋ جازاسى بەرىلدى.
سونىمەن قاتار، وعان ءۇش جىل بويى قوعامدىق قىزمەتپەن اينالىسۋعا تىيىم سالىندى. بۇرىنعى پرەزيدەنت وسى ۇكىمگە قارسى ەۋروپالىق سوتقا شاعىمدانۋعا نيەتتى ەكەنىن مالىمدەدى.
بۇرىنعى پرەزيدەنت پەن ونىڭ قورعاۋشىسى زاڭسىز تىڭداۋلار تۋرالى الاڭداۋشىلىق ءبىلدىرىپ، ادۆوكاتتىڭ كليەنتىمەن سويلەسكەن تەلەفون اڭگىمەلەرىنىڭ زاڭسىز پايدالانىلۋىنا نارازىلىق ءبىلدىرىپ وتىر. ادۆوكات پاتريس سپينوزي، وسى نەگىزدە ساركوزيدىڭ كىناسىز ەكەندىگىن العا تارتادى.
بۇل ءىس ساركوزي مەن فرانتسيانىڭ ساياساتىنداعى ماڭىزدى وقيعا بولىپ تابىلادى، سەبەبى ول ءبىرىنشى رەت فرانتسيا تاريحىندا تۇرمەگە قامالعان پرەزيدەنت بولدى. بۇعان دەيىن 2011 جىلى فرانتسيانىڭ ەكس-پرەزيدەنتى جاك شيراك ەكى جىل شارتتى جازاعا تارتىلعان بولاتىن.
سونىمەن قاتار، 2024 جىلدىڭ 6 قاڭتارىندا ساركوزيگە قاتىستى ليۆيادان 2007 جىلعى پرەزيدەنتتىك كامپانياسىنا قارجى الۋ كۇدىگىمەن جاڭا سوت پروتسەستەرى باستالماق.
