جىل باسىنان بەرى قازاقستان ەكونوميكاسى 6,2%-عا ءوستى. بۇل تۋرالى پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين ۇكىمەت وتىرىسىندا ايتتى، دەپ حابارلايدى "ادىرنا".
"جاڭا ۋاقىتقا ءتان نارىقتاردىڭ تۇراقسىز سىرتقى ەكونوميكالىق جاعدايى جانە ءوسىپ كەلە جاتقان گەوساياسي شيەلەنىس بۇكىل الەمدە ىسكەرلىك بەلسەندىلىكتى تەجەۋدى جالعاستىرۋدا. حالىقارالىق ۆاليۋتا قورىنىڭ بولجامى بويىنشا الەمدىك ەكونوميكانىڭ ءوسۋى 2025 جىلى 2,8%-عا دەيىن باياۋلايدى. ءبىرىنشى جارتىجىلدىقتا Brent ماركالى مۇنايدىڭ ورتاشا باعاسى باررەلىنە 71,7 دوللار قۇرادى. وسىنداي كۇردەلى سىن-قاتەرلەرگە قاراماستان، قازاقستان ەكونوميكاسى سەنىمدى ءوسۋدى كورسەتىپ وتىر", – دەدى مينيستر.
ونىڭ ايتۋىنشا، قازاقستان ەكونوميكاسى وسى جىلعى قاڭتار-ماۋسىم ايلارىنىڭ قورىتىندىلارى بويىنشا 6,2%-عا جەتىپ، وڭ ءوسىم كورسەتتى.
"بۇل قارقىن العاشقى بەس ايعا قاراعاندا 0,2%-عا جوعارى جانە سوڭعى 14 جىلداعى ءجىو ءوسۋىنىڭ ەڭ جوعارى كورسەتكىشى بولىپ سانالادى. سالىستىرۋ ءۇشىن، وتكەن جىلدىڭ ۇقساس كەزەڭىندە ءوسىم 3,2%-دى قۇرادى. ەكونوميكانىڭ ناقتى سەكتورى +8% جانە قىزمەت كورسەتۋ سالاسى بولدى، ول 5,2%-عا ءوستى. كولىك (+22,7%) جانە قۇرىلىس (+18,4%) سالالارى ايتارلىقتاي ۇلەس قوستى. سونداي-اق ساۋدادا جاندانۋ جانە تاۋ-كەن ونەركاسىبىندە تۇراقتى ءوسۋ بايقالادى (+8,4%). وڭدەۋ سەكتورى 5,5%-عا، ال اۋىل شارۋاشىلىعى 3,7%-عا ءوستى", – دەدى سەرىك جۇمانعارين.
