قازاقستاندىق سۋرەتشى پاشا كاس قىرعىزستانداعى سامميت قارساڭىندا تاۋدا جەكە پيكەت وتكىزدى. ول تاۋدىڭ شىڭىندا «سوعىسىڭدى توقتات» دەگەن جازۋى بار پلاكات جايدى، دەپ حابارلايدى "ادىرنا" ءتىلشىسى.
پاشا كاس بۇل اكتسيانى 30 تامىزدا شانحاي ىنتىماقتاستىق ۇيىمىنىڭ ءسامميتى وتەتىن بىشكەك قالاسىنىڭ ماڭىندا وتكىزگەن. سۋرەتشى ءوز جازباسىندا سوعىس ءجۇرىپ جاتقان كەزدە بەيبىتشىلىك تۋرالى كەلىسسوزدەر وتكىزۋدىڭ قايشىلىعىنا نازار اۋدارعان.
«تومەندە، قىرعىزستاندا شىۇ ءسامميتى ءوتىپ جاتقان كەزدە، بۇگىن دە، كەشە دە، ودان بۇرىنعى كۇنى دە بىرەۋ ويانباي قالۋى مۇمكىن. بىرەۋدىڭ جەرتولەسىندە بالالاردىڭ سانى كەميدى.
مۇنىڭ ءالى دە نە ءۇشىن جالعاسىپ جاتقانىن بىلمەيمىن. ءتىپتى، بۇل تاۋدىڭ اتى بەرىلگەن جالعىز ادامنان باسقا ەشكىم ناقتى بىلمەيتىن سياقتى. ول بۇل جازبانى وقىمايدى.
تومەندە ادامدار كەزدەسىپ، بەيبىتشىلىك تۋرالى سويلەسىپ، بىرگە سۋرەتكە ءتۇسىپ جاتقاندا، سوعىس جالعاسىپ جاتىر.
مەنەن كەيىن بۇل جەرگە كەلىپ، ءوز قولتاڭباسىن قالدىراتىنداردىڭ ەشقايسىسى سوعىستى توقتاتا الماۋى مۇمكىن. بىراق شىندىقتى ءبارىبىر جازىپ قالدىرۋ كەرەك. ونى جىلدار بويى وقيتىن ادام بولماسا دا.
ءوز سوعىسىڭدى توقتات»، - دەپ جازدى ول.
پاشا كاس — قازاقستاننان شىققان زاماناۋي ستريت-ارت وكىلى. ول الەۋمەتتىك جانە ەكولوگيالىق تاقىرىپتارعا ارنالعان گراففيتي، پەرفورمانس جانە پابليك-ارت جوبالارىمەن تانىمال.
