Qazaqstandyq suretşı Paşa Kas Qyrǧyzstandaǧy sammit qarsaŋynda tauda jeke piket ötkızdı. Ol taudyŋ şyŋynda «Soǧysyŋdy toqtat» degen jazuy bar plakat jaidy, dep habarlaidy "Adyrna" tılşısı.
Paşa Kas būl aksiiany 30 tamyzda Şanhai yntymaqtastyq ūiymynyŋ sammitı ötetın Bışkek qalasynyŋ maŋynda ötkızgen. Suretşı öz jazbasynda soǧys jürıp jatqan kezde beibıtşılık turaly kelıssözder ötkızudıŋ qaişylyǧyna nazar audarǧan.
«Tömende, Qyrǧyzstanda ŞYŪ sammitı ötıp jatqan kezde, bügın de, keşe de, odan būrynǧy künı de bıreu oianbai qaluy mümkın. Bıreudıŋ jertölesınde balalardyŋ sany kemidı.
Mūnyŋ älı de ne üşın jalǧasyp jatqanyn bılmeimın. Tıptı, būl taudyŋ aty berılgen jalǧyz adamnan basqa eşkım naqty bılmeitın siiaqty. Ol būl jazbany oqymaidy.
Tömende adamdar kezdesıp, beibıtşılık turaly söilesıp, bırge suretke tüsıp jatqanda, soǧys jalǧasyp jatyr.
Menen keiın būl jerge kelıp, öz qoltaŋbasyn qaldyratyndardyŋ eşqaisysy soǧysty toqtata almauy mümkın. Bıraq şyndyqty bärıbır jazyp qaldyru kerek. Ony jyldar boiy oqityn adam bolmasa da.
Öz soǧysyŋdy toqtat», - dep jazdy ol.
Paşa Kas — Qazaqstannan şyqqan zamanaui strit-art ökılı. Ol äleumettık jäne ekologiialyq taqyryptarǧa arnalǧan graffiti, performans jäne pablik-art jobalarymen tanymal.
