جەر سىلكىنىسىنەن زارداپ شەككەن تۇركيا ازاماتتارى قازاقتىڭ كيىز ۇيلەرىنەن كوشكىسى كەلمەيتىنىن جەتكىزدى، دەپ حابارلايدى “ادىرنا” ۇلتتىق پورتالى.
بۇل تۋرالى كازينفورم Telegram پاراقشاسىندا بەينەجازبا جاريالاندى.
قاحرامانماراش پروۆينتسياسىنىڭ گۋبەرناتورى 2023 جىلى اقپاندا بولعان جويقىن جەر سىلكىنىسىنەن كەيىن قازاقتار جىبەرگەن كيىز ۇيلەردە تۇراتىن تۇركيانىڭ تۇرعىندارى كيىز ۇيدەن كونتەينەرلىك ۇيلەرگە كوشكىسى كەلمەيتىنىن ايتقان. بۇل اقپاراتتى قازاقپارات ءتىلشىسىنىڭ ساۋالىنا جاۋاپ بەرگەن وبلىس اكىمى مالىمدەدى.
«ءبىز بارلىق شاتىرلاردى الىپ تاستادىق، بىراق كيىز ۇيلەرىڭىزدى ءالى دە بۇزا المادىق. حالىق ولارعا وتە ريزا. ولار كونتەينەرلىك ۇيلەرگە كوشكىسى كەلمەيدى»، - دەپ جەتكىزگەن گۋبەرناتور.
ەستەرىڭىزگە سالا كەتەيىك، وتكەن جىلى اقپان ايىندا قازاقستاندىقتار جەر سىلكىنىسىنەن زارداپ شەككەن تۇركيا ەلىنە كومەك رەتىندە كيىز ءۇي ساتىپ الۋعا 18 ملن جيناعان بولاتىن.
“ادىرنا” ۇلتتىق پورتالى
