قۇرىلتاي وتىرىسىندا ايبەك دادەباي قۇرىلتاي توراعاسى لاۋازىمىنا سايلاندى، دەپ حابارلايدى "ادىرنا".
قر كونستيتۋتسياسىنىڭ 57-بابىنىڭ ءى تارماعىنا سايكەس، قۇرىلتايدى مەملەكەتتىك ءتىلدى جەتىك مەڭگەرگەن دەپۋتاتتار اراسىنان قۇرىلتاي دەپۋتاتتارى جالپى سانىنىڭ كوپشىلىك داۋىسىمەن جاسىرىن داۋىس بەرۋ ارقىلى سايلانعان توراعا باسقارادى.
قۇرىلتاي توراعاسى لاۋازىمىنا كانديداتۋرانى پرەزيدەنت ۇسىنعان بولاتىن. ول – دەپۋتات ايبەك دادەباي.
"قۇرمەتتى دەپۋتاتتار كونستيتۋتسياعا سايكەس، قۇرىلتاي دەپۋتاتى جاسىرىن داۋىس بەرۋ ارقىلى سايلانادى. جاسىرىن داۋىس بەرۋگە ارنالعان تىزىمگە دەپۋتات دادەباي ايبەك ارقابايۇلى ەنگىزىلەدى", - دەدى وسك توراعاسى نۇرلان ءابدىروۆ.
دەپۋتاتتار وسى ماسەلەگە قاتىستى قاۋلى قابىلدادى.
قۇرىلتاي توراعاسىن سايلاۋ بويىنشا جاسىرىن داۋىس بەرۋدى وتكىزۋ جانە ونىڭ ناتيجەسىن انىقتاۋ ءۇشىن ساناق كوميسسياسى قۇرىلدى. ساناق كوميسسياسىنىڭ قۇرامىنا قۇرىلتايعا وتكەن ءار پارتيانىڭ وكىلدەرى كىردى.
دەپۋتاتتار كوميسسيا قۇرىلعان سوڭ جاسىرىن داۋىس بەرۋگە كىرىستى.
وسىلايشا دەپۋتاتتار جاسىرىن داۋىس بەرۋ ارقىلى دەپۋتات ايبەك دادەباي كانديداتۋراسىنا جاقتاپ داۋىس بەردى.
ناتيجەلەرى مىناداي:
- 144 دەپۋتات جاقتادى
- 1 بيۋللەتەن جارامسىز دەپ تانىلدى.
بۇعان دەيىن مەملەكەت باسشىسى قاسىم-جومارت توقاەۆ ءبىرىنشى شاقىرىلىمداعى قازاقستان رەسپۋبليكاسى قۇرىلتايىنىڭ ءبىرىنشى سەسسياسىندا قۇرىلتاي توراعاسىنىڭ لاۋازىمىنا ايبەك دادەبايدىڭ كانديداتۋراسىن ۇسىنعان بولاتىن.
