جاڭا كونستيتۋتسيا 2026 جىلعى 1 شىلدەدەن باستاپ كۇشىنە ەنەدى، دەپ حابارلايدى “ادىرنا” ۇلتتىق پورتالى.
سول كۇننەن باستاپ بۇرىنعى كونستيتۋتسيا كۇشىن جويادى.
پارلامەنت پەن قۇرىلتاي سايلاۋى 1995 جىلعى كونستيتۋتسياعا سايكەس سايلانعان پارلامەنت ءوز وكىلەتتىگىن 2026 جىلعى 1 شىلدەدەن باستاپ توقتاتقان سوڭ وتكىزىلەدى.
كونستيتۋتسيا كۇشىنە ەنگەننەن كەيىن ءبىر اي ىشىندە پرەزيدەنت قۇرىلتاي سايلاۋىن جاريالاۋعا ءتيىس. سايلاۋ ەكى اي ىشىندە وتكىزىلۋى كەرەك.
قۇرىلتايدىڭ ءبىرىنشى سەسسياسى اشىلعان كۇننەن باستاپ ەكى اي ىشىندە پرەزيدەنت ۆيتسە-پرەزيدەنتتى تاعايىندايدى. سول مەرزىمدە كونستيتۋتسيالىق سوت توراعاسى مەن سۋديالارى، ورتالىق سايلاۋ كوميسسياسى جانە جوعارى اۋديتورلىق پالاتانىڭ توراعالارى تاعايىندالادى.
قازىرگى كونستيتۋتسيالىق سوت توراعاسى مەن سۋديالارى، ورتالىق سايلاۋ كوميسسياسى جانە جوعارى اۋديتورلىق پالاتانىڭ توراعالارى جاڭا قۇرام قۇرىلمايىنشا ءوز وكىلەتتىگىن ساقتايدى.
جوعارعى سوت توراعاسى، ۇلتتىق بانك توراعاسى، باس پروكۋرور، ۇلتتىق قاۋىپسىزدىك كوميتەتىنىڭ توراعاسى، جوعارى سوت كەڭەسىنىڭ توراعاسى جانە ادام قۇقىقتارى جونىندەگى ۋاكىل كونستيتۋتسيا كۇشىنە ەنگەننەن كەيىن ەكى اي ىشىندە تاعايىندالادى.
جەرگىلىكتى سوتتار، ءماسليحات دەپۋتاتتارى جانە وزگە دە لاۋازىمدى تۇلعالار جاڭا كونستيتۋتسيا مەن زاڭداردا كوزدەلگەن ءتارتىپ بويىنشا ءوز وكىلەتتىگىن ساقتايدى.
ۇقساس جاڭالىقتار
