اتىراۋ وبلىسىندا كولونيا اۋماعىنا درون ارقىلى تەلەفون جەتكىزبەك بولعانداردىڭ جولى كەسىلدى. بۇل تۋرالى وبلىستىق قىلمىستىق-اتقارۋ جۇيەسى دەپارتامەنتىنىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
وقيعا 8 قىركۇيەككە قاراعان ءتۇنى ساعات 01:15 شاماسىندا بولعان. №15 مەكەمە قىزمەتكەرلەرى كولونيا اۋماعىنان شامامەن 1,5 شاقىرىم قاشىقتىقتا درون ارقىلى بەلگىسىز ورامداردىڭ جەتكىزىلمەك بولعانىن انىقتاعان.
«تەكسەرۋ بارىسىندا كارتون قاعازعا سالىنىپ، ءتۇسسىز سكوتچپەن مۇقيات ورالعان ءۇش ورام تابىلدى. ورامداردى تەكسەرۋ كەزىندە ءۇش تەلەفون تاركىلەندى. وقيعاعا قاتىستى تەكسەرۋ ناتيجەسى بويىنشا قولدانىستاعى زاڭناماعا سايكەس ءتيىستى شەشىم قابىلدانادى»،– دەلىنگەن حابارلامادا.
ۇقساس جاڭالىقتار
