اتالعان باستاما قورشاعان ورتانى قورعاۋ مادەنيەتىن قالىپتاستىرۋعا، ەكولوگيالىق جاۋاپكەرشىلىكتى ارتتىرۋعا جانە ازاماتتاردى، اسىرەسە جاستاردى تابيعاتتى ايالاۋعا، تازالىقتى ساقتاۋعا باعىتتالدى. ءىس-شارا قوعامدا ەكولوگيالىق سانانى نىعايتىپ، تۋعان جەر تابيعاتىنا دەگەن جاناشىرلىق كوزقاراستى قالىپتاستىرۋدى كوزدەدى.
«ECORace» شاراسى بالقاش كولىنىڭ جاعالاۋىندا ءوتىپ، كوپشىلىكتىڭ بەلسەندى قاتىسۋىمەن ەرەكشەلەندى. شارا بارىسىندا ارنايى بەلگىلەنگەن ستارت نۇكتەسىندە قاتىسۋشىلارعا ەكولوگيالىق اكتسيانىڭ ماقساتى مەن ماڭىزدىلىعى كەڭىنەن ءتۇسىندىرىلىپ، قاجەتتى قۇرالدارمەن تولىق قامتاماسىز ەتىلدى. ءاربىر قاتىسۋشىعا قولعاپتار مەن قوقىس جيناۋعا ارنالعان ارنايى قاپتار سالىنعان قاپتار تابىستالدى.
قاتىسۋشىلار بەلگىلەنگەن باعىت بويىنشا ۇيىمشىلدىقپەن قوزعالىپ، كول جاعالاۋى مەن جول بويىنداعى قوقىستاردى جيناپ، ولاردى فينيش نۇكتەسىنە جەتكىزىپ تاپسىردى. ناتيجەسىندە، اۆتوموبيل جولى مەن جاڭالاۋدىڭ بويى ايتارلىقتاي تازارتىلىپ، قورشاعان ورتانىڭ جاعدايىن جاقسارتۋعا ناقتى ۇلەس قوسىلدى.
تابيعاتتى قورعاۋعا دەگەن ورتاق ۇمتىلىس، بىرلىك پەن ىنتىماقتاستىق ءىس-شارانىڭ باستى جەتىستىكتەرىنىڭ بىرىنە اينالدى. قاتىسۋشىلار وزدەرىنىڭ تۋعان جەرىنە دەگەن جاناشىرلىعىن ءىس جۇزىندە كورسەتىپ، ەكولوگيالىق مادەنيەتتىڭ ماڭىزدىلىعىن تاعى ءبىر دالەلدەدى.
- بۇل شارا قورشاعان ورتانى قورعاۋ تەك ءبىر رەتتىك اكتسيا ەمەس، ءاربىر ازاماتتىڭ كۇندەلىكتى ءومىر سالتىنا اينالۋى ءتيىس ەكەنىن ايقىنداعان ماڭىزدى باستاما بولدى. سونىمەن قاتار، جوبا دەمالىس ايماقتارىن تازا ۇستاۋعا، تابيعاتتى قۇرمەتتەۋگە جانە ەكولوگيالىق مادەنيەتتى دامىتۋعا باعىتتالدى. «ECORace» ەكولوگيالىق شاراسى «تازا قازاقستان» يدەولوگياسىن كەڭىنەن دارىپتەپ، قوعامدا ەكولوگيالىق جاۋاپكەرشىلىكتى ارتتىرۋعا جانە تۇراقتى ەكولوگيالىق مادەنيەتتى قالىپتاستىرۋعا ەلەۋلى ۇلەس قوستى، – دەپ اتاپ ءوتتى جەتىسۋ وبلىسى بويىنشا «قازاقستان ستۋدەنتتەرىنىڭ اليانسى» ومبۋدسمەنى قىزايباي اقەركە دوسىمحانقىزى.
