مەملەكەت باسشىسى قاسىم-جومارت توقاەۆ قازاقستان رەسپۋبليكاسىنىڭ قۇرىلتاي دەپۋتاتتارى سايلاۋىندا داۋىس بەردى. بۇل تۋرالى اقوردا جازدى، دەپ حابارلايدى "ادىرنا".
پرەزيدەنت تاۋەلسىزدىك سارايىندا ورنالاسقان №520 سايلاۋ ۋچاسكەسىنە بارىپ، قازاقستان رەسپۋبليكاسى قۇرىلتاي دەپۋتاتتارىنىڭ سايلاۋىندا داۋىس بەردى.
سودان كەيىن مەملەكەت باسشىسى بۇقارالىق اقپارات قۇرالدارى وكىلدەرىنە بريفينگ وتكىزدى
"شىن مانىندە، بۇگىن – ەلىمىز ءۇشىن تاريحي كۇن. تۇڭعىش رەت ءبىر پالاتالى قۇرىلتاي سايلاۋىن وتكىزىپ وتىرمىز. بۇل – ماڭىزدى تاريحي وقيعا. ءبىز ءبىرتۇتاس ەل بولىپ، اۋقىمدى رەفورمالار جۇرگىزىپ جاتىرمىز. مۇنى ءبارىڭىز بىلەسىزدەر، كۋا بولىپ وتىرسىزدار. ويداعىداي ناتيجەلەرگە قول جەتكىزدىك. دەگەنمەن الدىمىزدا تۇرعان جۇمىس اۋقىمدى، ماقساتىمىز ماڭىزدى دەپ ايتۋعا بولادى. بۇگىنگى سايلاۋ – وسى جۇمىستىڭ باستاۋى عانا", – دەدى قاسىم-جومارت توقاەۆ.
