قازاقستان رەسپۋبليكاسى ورتالىق سايلاۋ كوميسسياسى جاڭا ءبىر پالاتالى قۇرىلتايدىڭ دەپۋتاتتارىن رەسمي تىركەدى، دەپ حابارلايدى "ادىرنا".
دەپۋتاتتارعا كۋالىكتەرى مەن توسبەلگىلەرى تابىستالدى.
وسك توراعاسى نۇرلان ءابدىروۆتىڭ ايتۋىنشا، «قازاقستان رەسپۋبليكاسىنىڭ قۇرىلتايى جانە ونىڭ دەپۋتاتتارىنىڭ مارتەبەسى تۋرالى» كونستيتۋتسيالىق زاڭنىڭ 44-بابىنا سايكەس، دەپۋتاتتىڭ وكىلەتتىگى ورتالىق سايلاۋ كوميسسياسى تىركەگەن ساتتەن باستاپ باستالادى.
وسك توراعاسىنىڭ ورىنباسارى مۇحتار ەرماننىڭ مالىمەتىنشە، كوميسسيا بەس ساياسي پارتيادان سايلانعان 145 قۇرىلتاي دەپۋتاتىن تىركەۋ تۋرالى قاۋلىلار جوباسىن ازىرلەگەن.
«دەپۋتاتتىق ماندات – حالىقتىڭ سەنىمى مەن تاڭداۋىنىڭ ناتيجەسى. قۇرىلتاي دەپۋتاتىنىڭ مارتەبەسى ارقايسىڭىزعا مەملەكەت پەن حالىق الدىندا ۇلكەن جاۋاپكەرشىلىك جۇكتەيدى»، – دەدى نۇرلان ءابدىروۆ.
سايلاۋ قورىتىندىسى بويىنشا قۇرىلتايعا بەس ساياسي پارتيا ءوتتى. مانداتتار تومەندەگىدەي ءبولىندى:
* «ادىلەت» پارتياسى – 110 ماندات;
* جالپىۇلتتىق سوتسيال-دەموكراتيالىق پارتيا – 8 ماندات;
* «اۋىل» حالىقتىق-دەموكراتيالىق پاتريوتتىق پارتياسى – 10 ماندات;
* «اق جول» قازاقستاننىڭ دەموكراتيالىق پارتياسى – 8 ماندات;
* Respublica پارتياسى – 9 ماندات.
وتىرىس سوڭىندا ورتالىق سايلاۋ كوميسسياسىنىڭ توراعاسى قۇرىلتاي دەپۋتاتتارىنا كۋالىكتەرى مەن توسبەلگىلەرىن تابىستادى.
بۇعان دەيىن دەپۋتاتتاردىڭ توسبەلگىسى التىن ەمەس، جەزدەن جاسالاتىنى ايتىلعان ەدى. ونىڭ قۇنى - 42 مىڭ تەڭگە. بۇرىنعى قوسپالاتالى پارلامەنتتىڭ دەپۋتاتتاردىڭ توسبەلگىلەرى 375 سىنامالى التىننان جاسالعان ەدى. ونداي ءبىر توسبەلگىنىڭ باعاسى 313 600 تەڭگە بولعان.
