پولشاداعى جانارماي قۇيۋ بەكەتتەرىندەگى وتىن باعاسىنىڭ جوعارى بولۋىنا ەل پرەزيدەنتى كارول ناۆروتسكيدىڭ ارەكەتتەرى سەبەپ بولىپ وتىر. بۇل تۋرالى پولشا قارجى ءمينيسترى اندجەي دومانسكي RMF راديوسىنىڭ ەفيرىندە مالىمدەدى، دەپ حابارلايدى «ادىرنا» ءتىلشىسى.
«جانارماي قۇيۋ بەكەتتەرىندە كورىپ وتىرعان جاعدايىمىز — پرەزيدەنت ارەكەتتەرىنىڭ ناتيجەسى. كارول ناۆروتسكي وتىن كومپانيالارىنىڭ مۇددەسىن قورعادى. ەگەر پرەزيدەنت ناۆروتسكي ەكونوميكانى السىرەتىپ، پولياكتاردىڭ قالتاسىنا سالماق تۇسىرگىسى كەلسە، وندا بۇل، ءسوزسىز، قاۋىپتى شەشىم»، — دەدى دومانسكي.
ونىڭ ايتۋىنشا، پولشا ۇكىمەتى وتىن باعاسىن تۇراقتاندىرۋعا جانە تومەندەتۋگە باعىتتالعان جەڭىلدەتىلگەن CPN باعدارلاماسىن قايتا ىسكە قوسۋ ماسەلەسىن قاراستىرادى. باعدارلامانىڭ مەرزىمى 30 ماۋسىمدا اياقتالعان.
پولشادا جانارماي باعاسى تاياۋ شىعىستاعى جاعدايدىڭ شيەلەنىسۋىنە بايلانىستى مۇناي باعاسىنىڭ ءوسۋى اياسىندا قىمباتتادى. شىلدە ايىندا پولشا سەيمى وتىن كومپانيالارىنىڭ ارتىق پايداسىنا سالىق ەنگىزۋ تۋرالى زاڭ قابىلداعان بولاتىن. الايدا ناۆروتسكي بۇل زاڭعا توسقاۋىل قويىپ، ونى الدىن الا تەكسەرۋ ءۇشىن كونستيتۋتسيالىق تريبۋنالعا جولداعان.
