الماتى قالاسىنىڭ اۋەزوۆ اۋدانىنداعى جەتى كولىك جۋ ورنى سۋدى قايتا پايدالانۋ جۇيەسىنە ارنالعان جابدىقتىڭ بولماۋىنا بايلانىستى ۋاقىتشا سۋسىز قالدى. بۇل زاڭبۇزۋشىلىق 60 نىساندى تەكسەرۋ بارىسىندا انىقتالعان. بۇل تۋرالى قالا اكىمدىگى مالىمدەدى، دەپ حابارلايدى «ادىرنا» ءتىلشىسى.
«الماتى سۋ» كومپانياسىنىڭ مالىمەتىنشە، تەكسەرىلگەن كولىك جۋ ورىندارىنىڭ شامامەن 90 پايىزى اينالىمدى سۋمەن جابدىقتاۋ جۇيەسىمەن قامتاماسىز ەتىلگەن. مۇنداي جابدىق پايدالانىلعان سۋدى تازارتىپ، ونى قايتا قولدانۋعا مۇمكىندىك بەرەدى. ناتيجەسىندە سۋ شىعىنى ايتارلىقتاي ازايادى.
الايدا جەتى نىساندا قاجەتتى جابدىقتىڭ جوقتىعى انىقتالعان. وسىعان بايلانىستى اتالعان ورىندارعا سۋ بەرۋ ۋاقىتشا توقتاتىلعان.
«قاجەتتى جابدىق ورناتىلىپ، ونىڭ جۇمىسى تەكسەرىلگەننەن كەيىن عانا سۋ بەرۋ قايتا قالپىنا كەلتىرىلەدى»، – دەپ حابارلادى اكىمدىك.
الماتىنىڭ بارلىق اۋدانىندا تەكسەرۋ جۇمىستارى جالعاسادى. كوممۋنالدىق قىزمەتتەر سۋ قۇبىرى جەلىلەرىنە زاڭسىز قوسىلۋ دەرەكتەرىن انىقتاۋعا ەرەكشە نازار اۋدارماق.
جالپىۇلتتىق مەرەكە جانە سايلاۋ ۋچاسكەلەرىندەگى ۇزىن-سونار كەزەك: قازاقستاندا العاشقى قۇرىلتاي سايلاۋى قالاي ءوتىپ جاتىر
