باعاسى ەڭ كوپ تومەندەگەن ءونىم قياردىڭ باعاسى 4,3% ارزاندادى. سونىمەن قاتار قىرىققابات (1,5%), كارتوپ (1,4%), قىزاناق (0,8%), الما (0,7%), پياز (0,4%), سۇزبە (0,3%), كۇرىش، قاراقۇمىق جارماسى، قاتتى جانە جارتىلاي قاتتى ىرىمشىك، تۇز (0,1%) بويىنشا باعالاردىڭ تومەندەۋى بايقالدى.
ەسەپتى اپتادا ءبىرىنشى سۇرىپتى بيداي ۇنى، ءبىرىنشى سۇرىپتى بيداي ۇنىنان دايىندالعان نان، ءسۇت (پاستەرلەنگەن، ۋلتراپاستەرلەنگەن، 2,2%-دان 6% دەيىنگى مايلىلىقتاعى ستەريلدەنگەن ءسۇت), قايماق جانە سارى ماي باعاسى وزگەرىسسىز قالدى.
وڭىرلىك بولىنىستە ەلىمىزدىڭ بىرقاتار قالالارىندا دەفلياتسيالىق ديناميكا بايقالدى. الەۋمەتتىك ماڭىزى بار ازىق-تۇلىك تاۋارلارىنىڭ جالپى باعا دەڭگەيى ءبىر اپتا ىشىندە قوناەۆ، وسكەمەن جانە تالدىقورعان قالالارىندا 0,4%، اقتوبە قالاسىندا 0,2%، الماتى، اقتاۋ، اتىراۋ، قوستاناي، قىزىلوردا، ورال جانە تۇركىستان قالالارىندا 0,1% تومەندەدى. استانا، جەزقازعان، قاراعاندى، پەتروپاۆل، سەمەي جانە تاراز قالالارىندا باعالار وتكەن اپتا دەڭگەيىندە ساقتالدى.
رەسپۋبليكا بويىنشا قياردىڭ ورتاشا باعاسى كيلوگرامىنا 502 تەڭگەنى قۇرادى. ەڭ تومەن باعا تاراز قالاسىندا تىركەلدى – كيلوگرامى 339 تەڭگە.
تازارتىلعان كۇرىشتىڭ ورتاشا رەسپۋبليكالىق باعاسى كيلوگرامىنا 533 تەڭگە دەڭگەيىندە قالىپتاستى. ەڭ قولجەتىمدى باعالار قىزىلوردا قالاسىندا – 456 تەڭگە جانە اقتاۋ قالاسىندا – 472 تەڭگە بولدى.
ەلىمىز بويىنشا كارتوپتىڭ ورتاشا باعاسى كيلوگرامىنا 283 تەڭگەنى قۇرادى. ەڭ تومەن باعا تۇركىستان قالاسىندا تىركەلدى – كيلوگرامى 218 تەڭگە.
رەسپۋبليكا بويىنشا I ساناتتاعى 10 جۇمىرتقانىڭ ورتاشا باعاسى 564 تەڭگەنى قۇرادى. ەڭ تومەن باعالار قىزىلوردا قالاسىندا (464 تەڭگە) جانە ورال قالاسىندا (471 تەڭگە) بايقالدى.
ەت ونىمدەرى بويىنشا رەسپۋبليكاداعى ورتاشا باعالار: سۇيەكتى سيىر ەتى – كيلوگرامىنا 3 775 تەڭگە، تاۋىق ەتى – كيلوگرامىنا 1 758 تەڭگە.
الەۋمەتتىك ماڭىزى بار ازىق-تۇلىك تاۋارلارى باعالارى يندەكسىنىڭ كورسەتكىشى اپتا سايىن ەسەپتەلەدى. باعالاردى باقىلاۋ بارلىق وبلىس ورتالىقتارىندا، رەسپۋبليكالىق ماڭىزى بار قالالاردا جانە استانادا جۇرگىزىلەدى. الەۋمەتتىك ماڭىزى بار ازىق-تۇلىك تاۋارلارى باعاسىنىڭ ديناميكاداعى وزگەرىستەرىن قازاقستان رەسپۋبليكاسى ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسىنىڭ سايتىنان جانە «تالداۋ» اقپاراتتىق-تالداۋ جۇيەسىنەن كورۋگە بولادى.
الەۋمەتتىك ماڭىزى بار ازىق-تۇلىك تاۋارلارىنىڭ تىزبەسى قازاقستان رەسپۋبليكاسى ساۋدا جانە ينتەگراتسيا ءمينيسترىنىڭ 2025 جىلعى 23 جەلتوقسانداعى №362-نق بۇيرىعىمەن بەكىتىلگەن جانە 31 اتاۋداعى ازىق-تۇلىك ونىمدەرىن قامتيدى.
