شىمكەنت تۇرعىندارى سپورت دۇكەنى ۇيىمداستىرعان جەڭىلدىك ناۋقانىندا جاعا ۇستاتار جاعدايعا تاپ بولدى. دۇكەن الدىندا جينالعان قاۋىم ءبىرىن-ءبىرى توپەپ، انتالاي الدىڭعى ەسىككە ۇمتىلعان. بۇل جايلى "ادىرنا" ۇلتتىق پورتالى جازدى.
ۇلتتىق اقپارات ايدىنىندا شىمكەنتتىك تۇتىنۋشىلاردىڭ ارەكەتى قىزۋ تالقىعا ءتۇسىپ جاتىر. تۇرعىندار سپورت دۇكەنى ۇيىمداستىرعان اكتسيادان قالىس قالماۋعا تىرىسىپ، دۇكەن الدىن ازان-قازان قىلدى.
ناتيجەسىندە شىمكەنت قالاسى، تاۋكە حان كوشەسىنىڭ بويىنداعى سپورت دۇكەنى يەسىنە ايىپپۇل سالىندى. بۇل جايلى پوليتسيا قىزمەتكەرى سالتانات قاراكوزوۆا حابارلادى.
"وسىعان بايلانىستى جەرگىلىكتى تۇرعىندار كوپ جينالدى. ناتيجەسىندە مەكەمە اشىلاردا قىسىم بولدى. زارداپ شەككەندەر جوق. بۇگىنگى تاڭدا ەڭبەكشى رۋپ پوليتسەيلەرى يەسى، جەرگىلىكتى تۇرعىندى انىقتادى. ول قر اقبتك-ءنىڭ 488-1-بابى بويىنشا اكىمشىلىك جاۋاپكەرشىلىككە تارتىلادى", - دەدى قاراكوزوۆا.
بۇعان قاتىستى قوعام بەلسەندىلەرى دە پىكىر ءبىلدىرىپ جاتىر. جەلى قولدانۋشىسى ءسابيت رىسباەۆ بولعان جايتقا قاتىستى بىلاي دەدى:
View this post on Instagram
- ارزان، تەگىن دەسە، ۆاگون كەزەكككە تۇراتىن بولدىق قوي. شىمكەنت قالاسىنداعى كيىم دۇكەنىندە كەزەككە تۇرعان حالىق دەيدى. بىلاي قاراسان ءبارىنىڭ كيىمى بار. جالاڭاش ەشكىم جوق. ءبىز شىنىمەن اشپىز با؟..
ەستەرىڭىزگە سالا كەتەيىك، "ادىرنا" ۇلتتىق پورتالى بۇعان دەيىن دە رەسەيدىڭ يجەۆسك قالاسىندا تەگىن تاراتىلعان قاربىزعا تالاسىپ، ءبىرىنىڭ ۇستىنەن ءبىرى تاپتاعان تۇرعاندار جايلى جازعان ەدى. وعان وقىرمان قاۋىمنىڭ كوپ بولىگى "تەگىن، ارزان تاراتىلعان دۇنيەگە تالاستىڭ ۇلت، ۇلىس تالعامايتىنىن" جازعان بولاتىن.
"ادىرنا" ۇلتتىق پورتالى
