قازاقستاندىق ازامات تىستەرىن ەمدەتۋ ءۇشىن زەينەتاقى قاراجاتىنان 32,6 ميلليون تەڭگە العان، دەپ حابارلايدى "ادىرنا" ۇلتتىق پورتالى.
بۇل تۋرالى وتباسى بانكىنىڭ ءباسپاسوز قىزمەتى مالىمدەدى.
ول ءتىسىن ەمدەتۋ ءۇشىن 11 رەت ءوتىنىم بەرگەن.
«كليەنتتەردىڭ ءبىرى تىستەرىن ەمدەتۋ ءۇشىن بىرىڭعاي جيناقتاۋشى زەينەتاقى قورىنداعى قاراجاتتى پايدالانۋ تۋرالى 11 رەت ءوتىنىش بەرگەن. ونىڭ جالپى العان سوماسى 32,6 ميلليون تەڭگەنى قۇرادى. ەگەر ءبىر يمپلانت پەن تاقتىرۋ قۇنى 500 مىڭ تەڭگە دەپ ەسەپتەسەك، بۇل اقشاعا 65 يمپلانت ورناتۋعا بولار ەدى»، – دەلىنگەن وتباسى بانكىنىڭ حابارلاماسىندا.
بۇل جاعداي ەلىمىزدە قايتالانعانى انىقتالدى. تاعى ءبىر تۇرعىن زەينەتاقى شوتىنان اقشا الۋ ءۇشىن 27 رەت ءوتىنىش بەرگەن. اۋدارىلعان جالپى سوما 13,1 ميلليون تەڭگە بولعان.
«تاعى ءبىر كليەنت ءتىس ەمدەۋگە 24,7 ميلليون تەڭگە جۇمساعان. بۇل سوما بىرجولعى تۇردە ستوماتولوگيالىق كلينيكالاردىڭ بىرىنە اۋدارىلدى»، – دەپ مالىمدەدى بانكتىڭ ءباسپاسوز قىزمەتى.
ايتا كەتەيىك، ەلىمىزدە ستوماتولوگيالىق قىزمەتتەرگە زەينەتاقى جيناقتارىن پايدالانۋ ءۇشىن ءوتىنىش قابىلداۋ ۋاقىتشا توقتاتىلعانىن حابارلاعان ەدىك.
