چات-رۋلەتتە قازاقتار تۋرالى بالاعات سوزدەر ايتقان قاراعاندىلىق ايەلگە قاتىستى قىلمىستىق ءىس قوزعالدى، دەپ حابارلايدى "ادىرنا" پورتالى.
«بەينەجازبانى پوليتسيا زەرتتەدى. وسى فاكتى بويىنشا اعىمداعى جىلدىڭ 24 ماۋسىمىندا 45 جاستاعى قالا تۇرعىنى انىقتالدى، وعان قاتىستى قر قك 174-بابى (الەۋمەتتىك، ۇلتتىق، رۋلىق، ناسىلدىك، تاپتىق نەمەسە ءدىني ارازدىقتى قوزدىرۋ) بويىنشا قىلمىستىق ءىس قوزعالدى. تەرگەۋ شارالارى جۇرگىزىلۋدە»، - دەدى قاراعاندى وبلىسى پوليتسيا دەپارتامەنتىنىڭ ءباسپاسوز قىزمەتى.
بۇعان دەيىن چات-رۋلەتتەگى قاراعاندىلىق ايەل بەلگىسىز اداممەن اڭگىمە بارىسىندا، قازاق حالقى تۋرالى بەيادەپ ءسوز سويلەپ، ءتۇرلى بوقاۋىز سوزدەر ايتقان بولاتىن. اڭگىمە ۋكرايناداعى سوعىس جانە ۋكراينا قىرىمىنىڭ ۇلگىسىمەن قازاقستاننىڭ رەسەيگە قانداي دا ءبىر قوسىلۋى تۋرالى «رەفەرەندۋم» وتكىزۋ مۇمكىندىگى تۋرالى بولدى.
"ادىرنا" ۇلتتىق پورتالى
