ۇلىتاۋ وبلىسىنىڭ اكىمى ەسەت بايكەن جۇمىس ساپارىمەن ساتباەۆ قالاسىنا بارىپ، بىرقاتار الەۋمەتتىك جانە ينفراقۇرىلىمدىق نىسانداردى ارالادى.
الدىمەن ءوڭىر باسشىسى قالانى اۋىز سۋمەن قامتاماسىز ەتەتىن «ەسقۇلا» جەراستى سۋ كوزىنە بارىپ، نىساندا جۇرگىزىلىپ جاتقان جاڭعىرتۋ جۇمىستارىنىڭ بارىسىمەن تانىستى.
كەلەسى كەزەكتە وبلىس اكىمى جىلۋ ەلەكتر ستانساسىندا بولىپ، الداعى جىلىتۋ ماۋسىمىنا دايىندىق جۇمىستارىن باقىلادى. نىساننىڭ قىسقى كەزەڭگە تولىق دايىن بولۋىن قامتاماسىز ەتۋدى تاپسىردى.
سونداي-اق ءوڭىر باسشىسى وبلىستىق فتيزيوپۋلمونولوگيا ورتالىعىندا جۇرگىزىلىپ جاتقان جاڭعىرتۋ جۇمىستارىمەن تانىسىپ، كۇردەلى جوندەۋدى جىل سوڭىنا دەيىن اياقتاۋدى مىندەتتەدى.
جۇمىس ساپارى بارىسىندا وبلىس اكىمى جول-كولىك ينفراقۇرىلىمىن جاقسارتۋعا باعىتتالعان جوبالاردىڭ جۇزەگە اسۋ بارىسىن دا نازارعا الدى.
ارالاۋ قورىتىندىسى بويىنشا كەڭەس وتكىزىلىپ، ساتباەۆ قالاسىنىڭ الداعى دامۋ باعىتتارى جان-جاقتى تالقىلاندى. جيىندا اباتتاندىرۋ مەن كوگالداندىرۋ جۇمىستارىن كۇشەيتۋ، سانيتارلىق تازالىقتى جۇيەلى تۇردە ۇيىمداستىرۋ، جول-كولىك ينفراقۇرىلىمىن ودان ءارى دامىتۋ جانە تۇرعىندار ءۇشىن قولايلى قالالىق ورتا قالىپتاستىرۋ ماسەلەلەرى قارالدى.
