Ūlytau oblysynyŋ äkımı Eset Baiken jūmys saparymen Sätbaev qalasyna baryp, bırqatar äleumettık jäne infraqūrylymdyq nysandardy aralady.
Aldymen öŋır basşysy qalany auyz sumen qamtamasyz etetın «Esqūla» jerasty su közıne baryp, nysanda jürgızılıp jatqan jaŋǧyrtu jūmystarynyŋ barysymen tanysty.
Kelesı kezekte oblys äkımı jylu elektr stansasynda bolyp, aldaǧy jylytu mausymyna daiyndyq jūmystaryn baqylady. Nysannyŋ qysqy kezeŋge tolyq daiyn boluyn qamtamasyz etudı tapsyrdy.
Sondai-aq öŋır basşysy oblystyq ftiziopulmonologiia ortalyǧynda jürgızılıp jatqan jaŋǧyrtu jūmystarymen tanysyp, kürdelı jöndeudı jyl soŋyna deiın aiaqtaudy mındettedı.
Jūmys sapary barysynda oblys äkımı jol-kölık infraqūrylymyn jaqsartuǧa baǧyttalǧan jobalardyŋ jüzege asu barysyn da nazarǧa aldy.
Aralau qorytyndysy boiynşa keŋes ötkızılıp, Sätbaev qalasynyŋ aldaǧy damu baǧyttary jan-jaqty talqylandy. Jiynda abattandyru men kögaldandyru jūmystaryn küşeitu, sanitarlyq tazalyqty jüielı türde ūiymdastyru, jol-kölık infraqūrylymyn odan ärı damytu jäne tūrǧyndar üşın qolaily qalalyq orta qalyptastyru mäselelerı qaraldy.
