مەملەكەت باسشىسىنىڭ جارلىعىمەن نۇرلان اسقارۇلى نوعاەۆ ماڭعىستاۋ وبلىسىنىڭ اكىمى لاۋازىمىنان بوساتىلدى. بۇل تۋرالى اقوردا جاريالادى، دەپ حابارلايدى “ادىرنا” ۇلتتىق پورتالى.
نۇرلان نوعاەۆ 2021 جىلدىڭ 7 قىركۇيەگىنەن باستاپ ماڭعىستاۋ وبلىسىنىڭ اكىمى بولىپ قىزمەت ەتكەن ەدى.
ەڭبەك جولىن اقتوبە وبلىسى، قاندىاعاش ستانتسياسىندا ەلەكتر شەبەرى بولىپ باستاعان.
1993-1995 جىلدارى - ماسكەۋ قالاسىنداعى «گيلي- پاسكەر» جشس-دە مۇناي ونىمدەرى جونىندەگى اعا ساراپشى، ءبولىم باستىعى، باس ديرەكتور.
1995-1996 جىلدارى - الماتى قالاسىنداعى «وترار لتد» شاعىن كاسىپورنى باس ديرەكتورىنىڭ ورىنباسارى.
1996-2006 جىلدارى - «قازاقتۇرىكمۇناي» جشس-دە ينجەنەر، باس ديرەكتور.
2006 جىلدىڭ اقپانىنان تامىزىنا دەيىن - «قازمۇنايگاز ۇلتتىق كومپانياسى» اق-نىڭ اتقارۋشى ديرەكتورى.
2006 جىلدىڭ تامىزىنان قر ەنەرگەتيكا جانە مينەرالدى رەسۋرستار مينيسترلىگى مۇناي ونەركاسىبى دەپارتامەنتىنىڭ ديرەكتورى بولىپ ىستەگەن.
2007 جىلدىڭ قىركۇيەگىنەن 2010 جىلدىڭ ساۋىرىنە دەيىن – باتىس قازاقستان وبلىسى اكىمىنىڭ ورىنباسارى.
2010 جىلدىڭ ساۋىرىنەن 2012 جىلدىڭ قاڭتارىنا دەيىن - وبلىس اكىمىنىڭ ءبىرىنشى ورىنباسارى.
2012 جىلدىڭ 20 قاڭتارىندا مەملەكەت باسشىسىنىڭ جارلىعىمەن باتىس قازاقستان وبلىسىنىڭ اكىمى بولىپ تاعايىندالدى. 2010 جىلى «قۇرمەت» وردەنىمەن ماراپاتتالعان. 2016 جىلدىڭ 26 ناۋرىزىنان اتىراۋ وبلىسىنىڭ اكىمى بولدى.
2019 جىلدىڭ 18 جەلتوقسانىنان قازاقستان رەسپۋبليكاسىنىڭ ەنەرگەتيكا ءمينيسترى قىزمەتىن اتقاردى.
