قالا كوشەلەرى جاڭارتىلىپ، كوممۋنالدىق جۇيەلەر تارتىلىپ جاتىر. بيىلدىڭ وزىندە 159 كوشەگە جوندەۋ جۇمىستارى جوسپارلانىپ، بۇگىندە ونىڭ 79-ىندا قۇرىلىس تولىعىمەن اياقتالىپ، پايدالانۋعا بەرىلدى.
تۇركىستان وبلىسىنىڭ اكىمى نۇرالحان كوشەروۆ قالا اۋماعىنداعى بىرقاتار ماڭىزدى نىسانداردى ارالاپ، قۇرىلىس جۇمىستارىنىڭ بارىسىمەن تانىستى. ايماق باسشىسى وتىرار مولتەك اۋدانىنداعى جولداردى ورتاشا جوندەۋ جۇمىستارىنا نازار اۋدارىپ، نىسانداردىڭ ساپاسىن كوزبەن كورىپ باعالادى.
سونداي-اق اكىم ويسىل قارا جانە شايان كوشەلەرىمەن جاياۋ ءجۇرىپ ءوتىپ، قۇرىلىس ساپاسىن تەكسەردى. جەرگىلىكتى تۇرعىندارمەن تىلدەسىپ، ولاردىڭ پىكىرلەرىن تىڭدادى. نۇرالحان كوشەروۆ مەردىگەر كومپانيالارعا ناقتى تاپسىرمالار بەرىپ، اتقارىلىپ جاتقان جۇمىستاردىڭ ساپاسىنا ەرەكشە ءمان بەرۋدى، جولداردىڭ تۇرعىندار ءۇشىن ىڭعايلى ءارى قاۋىپسىز بولۋىن باستى تالاپ رەتىندە اتاپ ءوتتى.
– ەڭ باستىسى – ساپا. تۇرعىنداردىڭ جايلىلىعى مەن قاۋىپسىزدىگى ارقاشان ءبىرىنشى ورىندا. سوندىقتان ءاربىر جۇمىس ۋاقتىلى ءارى ساپالى ورىندالۋى ءتيىس، – دەدى وبلىس اكىمى.
تۇركىستان قالاسىنىڭ كۇننەن-كۇنگە جاڭارىپ، ينفراقۇرىلىمدىق دامۋ كورسەتكىشتەرىنىڭ ارتىپ كەلە جاتقانى – جەرگىلىكتى بيلىك پەن حالىق اراسىنداعى سەنىمدى سەرىكتەستىكتىڭ ناتيجەسى. الداعى ۋاقىتتا دا بۇل باعىتتاعى جۇمىستار جالعاسىن تاپپاق.
ۇقساس جاڭالىقتار
