8 شىلدەدە ش.ش. ءۋاليحانوۆ اتىنداعى تاريح جانە ەتنولوگيا ينستيتۋتىنىڭ باس ديرەكتورى، اكادەميك زيابەك قابىلدينوۆ «شىڭعىس حان» ۇلتتىق مۋزەيىنىڭ ديرەكتورى، اكادەميك چۋلۋن سامپيلدوندوۆتىڭ قابىلداۋىندا بولدى، دەپ حابارلايدى «ادىرنا» ءتىلشىسى Asiarussia.ru باسىلىمىنا سىلتەمە جاساپ.
كەزدەسۋ بارىسىندا تاراپتار مەموراندۋمدا كوزدەلگەن بىرلەسكەن ءىس-شارالاردى جۇزەگە اسىرۋ ماسەلەلەرىن تالقىلادى. اتاپ ايتقاندا، XVI–XVII عاسىرلارداعى قازاق حاندىعى مەن جوڭعار حاندىعى اراسىنداعى تاريحي قارىم-قاتىناستارعا قاتىستى مۇراعات قۇجاتتارىن بىرلەسىپ زەرتتەۋ، ورتاق جوبالار مەن باعدارلامالاردى ىسكە اسىرۋ، سونداي-اق عىلىمي كونفەرەنتسيالار ۇيىمداستىرۋ جونىندە پىكىر الماستى.
كەزدەسۋ قورىتىندىسى بويىنشا ەكى ەل تاريحشىلارى اراسىنداعى ىنتىماقتاستىقتى كەڭەيتۋ ماقساتىندا بيىل قىركۇيەك ايىندا الماتى قالاسىندا «قازاقستان-موڭعوليا تاريحشىلار قوعامىن» قۇرۋ جانە بىرلەسكەن عىلىمي كونفەرەنتسيا وتكىزۋ تۋرالى شەشىم قابىلداندى.
ەسكك سالايىق، بيىل ءساۋىر ايىندا موڭعوليا باسشىسى ۋحنااگين حۋرەلسۋحت قازاقستانعا جاساعان مەملەكەتتىك ساپارى اياسىندا «شىڭعىس حان» ۇلتتىق مۋزەيى مەن ش.ش. ءۋاليحانوۆ اتىنداعى تاريح جانە ەتنولوگيا ينستيتۋتى اراسىندا ءوزارا تۇسىنىستىك تۋرالى مەموراندۋمعا قول قويىلعان بولاتىن.
