اكىمدىكتىڭ قاۋلىسىنا سايكەس، 3 تامىزدان باستاپ قوعامدىق كولىكتەردە قولما-قول اقشامەن تولەۋ مۇمكىندىگى الىنىپ تاستالادى. بۇل شارا، ەڭ الدىمەن، تاسىمالداۋ قاۋىپسىزدىگىن قامتاماسىز ەتۋگە بايلانىستى قابىلدانعان، ويتكەنى اۆتوبۋس جۇرگىزۋشىسى اقشا جيناۋعا الاڭداماي، تەك كولىك قۇرالىن باسقارۋى كەرەك.
قالالىق موبيلدىلىك باسقارماسى بۇگىندە جولاۋشىلاردىڭ 97%-دان استامى جولاقىسىن قولما-قول اقشاسىز تولەيتىنىن اتاپ ءوتتى.
قالا تۇرعىندارى مەن مەگاپوليس قوناقتارىنا قولما-قول اقشاسىز ەسەپ ايىرىسۋدىڭ بىرنەشە ءادىسى قولجەتىمدى:
«Onay» فيليالدارىندا جانە 115 كليەنتتەرگە قىزمەت كورسەتۋ ورىندارىندا ساتىپ الۋعا بولاتىن كولىك كارتاسى ارقىلى; ۇيالى تەلەفوننىڭ SMS ارقىلى; ءموبيلدى قوسىمشا ارقىلى (شەتەلدىك قوناقتارعا ىڭعايلى بولۋ ءۇشىن ينتەرفەيستى اعىلشىن تىلىندە ەنگىزۋ پىسىقتالىپ جاتىر).سونداي-اق 3 تامىزدان باستاپ جول ءجۇرۋ بيلەتتەرىنىڭ كەلەسى قۇنى بەلگىلەنەدى:
ايلىق جول ءجۇرۋ بيلەتى — 9 900 تەڭگە; ستۋدەنتتىك ايلىق جول ءجۇرۋ بيلەتى — 4 200 تەڭگە; مەكتەپ ايلىق جول ءجۇرۋ بيلەتى — 2 000 تەڭگە; زەينەتاقى ايلىق جول ءجۇرۋ بيلەتى — 3 000 تەڭگە.ەستەرىڭىزگە سالا كەتەيىك، ازاماتتاردىڭ كەلەسى ساناتتارىنا تەگىن جول ءجۇرۋ ۇسىنىلادى: ۇوس قاتىسۋشىلارى، 75 جاستان اسقان زەينەتكەرلەر، 1-ءشى، 2-ءشى توپتاعى مۇگەدەكتەر، 18 جاسقا دەيىنگى مۇگەدەك بالالار، ساياسي قۋعىن-سۇرگىن قۇرباندارى جانە باسقا مەملەكەتتەردىڭ اۋماعىنداعى اسكەري قيمىلداردىڭ ارداگەرلەرى.
