31 جەلتوقسان كۇنى قازاقستاندا 100-گە جۋىق ءورت بولعان

31 جەلتوقسان كۇنى 518 ادام قۇتقارىلىپ، ەۆاكۋاتسيالاندى. بۇل تۋرپلى توتەنشە جاعدايلار مينيسترلىگى جاريالادى، دەپ حابارلايدى “ادىرنا” ۇلتتىق پورتالى.

اقپاراتقا سايكەس، 31 جەلتوقساندا ماماندار 163 مارتە قۇتقارۋعا اتتاندى، ونىڭ 94 — ءورت، 68 — ىزدەستىرۋ، اۆاريالىق-قۇتقارۋ جانە باسقا دا جۇمىستار. بۇل رەتتە 518 ادام، ونىڭ ىشىندە 65 بالا قۇتقارىلىپ، ەۆاكۋاتسيالاندى. تجم ازاماتتاردى ءورت قاۋىپسىزدىك شارالارىن ساقتاپ، داۋىل تۋرالى ەسكەرتۋ، اۋا رايىنىڭ وزگەرۋى، جابىلعان جولدار تۋرالى حابارلامالاردى باقىلاپ، الىس ساپارعا شىقپاۋعا شاقىرادى. «اۋىلدىق جەردە تۇراتىن تۇرعىندارعا اۋا رايى ناشارلاعان جاعدايدا الىسقا جاياۋ شىقپاۋىن وتىنەمىز»، - دەيدى ماماندار.