اقپارات زامانىندا، اسىرەسە اقپاراتتىق سوعىس داۋىرىندە اتىلعان وقتان بۇرىن ءسوزءدىڭ جۇرەءتىنى ءمالىم. قازىرگى تاڭدا قوعامنىڭ ساناسىنا ىقپال ەتۋدىڭ ەڭ ءتيىمدى قۇرالى دا ءدال وسى اقپارات. سوندىقتان ءوزءىنىڭ سىرتقى مۇددەسىنە جۇمىس ىستەيتىن كەز كەلگەن مەملەكەت ەڭ الدىمەن جۋرناليستەر، بلوگەرلەر جانە ساراپشىلارمەن بايلانىس ورناتۋعا تىرىسادى.
قىسقاسى قوعامدىق پىكىر قالىپتاستىراتىن تۇلعالارعا اقشاسىن ايامايدى. ويتكەنى ميلليونداعان ادامنىڭ ويىن وزگەرتۋ ءۇشىن كەيدە ءبىر عانا تانىمال سپيكەردىڭ ءسوزى جەتكىلىكتى.
اقشاعا، ساياسي كۇشتەرگە نەمەسە بەلگىلى ءبىر ورتالىقتاردىڭ مۇددەسىنە قىزمەت ەتەتىن اقپارات تاراتۋشىلار كەز كەلگەن ەلدە كەزدەسەدى. وزىنە ىڭعايلى كەزىندە ولار مەملەكەتتىڭ ساياساتىن جاقتايدى، جاعداي وزگەرگەن شاقتا ەشءبىرقينالماستان داتتاۋعا كوشەدى، قارسى پىكىر ايتۋعا ەش قىمسىنبايدى. ءوكىنىشكە وراي ارىن ساتقان مۇنداي شۇبار جىلاندار ءبىزدىڭ ەلىمىزدە دە بار.
اڭگىمە سوڭعى ۋاقىتتا قوعام نازارىندا جۇرگەن قازتاگ باس رەداكتورى ءامىر قاسەنوۆ تۋرالى بولىپ وتىر. وسى ورايدا تاريح بەتىن بىرگە اقتارۋعا شاقىرامىز. ءاربىر ءسوزىمىزگە دالەل ينتەرنەتتە بار.
كەشە جانە بۇگىن
قازىرگى اقپاراتتىق كەڭىستىكتەگى ءامىر قاسەنوۆ ءوزىن تاۋەلسىز قازاقستاننىڭ مۇددەسىن قورعايتىن، سىرتقى ىقپالعا قارسى سويلەيتىن جۋرناليست رەتىندە كورسەتەدى. ونىڭ ماتەريالدارى مەن پىكىرلەرىندە ۇلتتىق مۇددە، ەگەمەندىك، رەسەيلىك كاپيتالدىڭ ىقپالى سياقتى تاقىرىپتار ءجيى كوتەرىلەدى.
الايدا ون جىل بۇرىنعى جاريالانىمدارىنا كوز جۇگىرتسەڭىز، مۇلدە باسقا شىندىققا تاپ بولاسىز: 2014-2015 جىلدارى Yvisionپلاتفورماسىندا Turbo اتىمەن جاريالاعان ماقالالارىندا ءامىر قاسەنوۆتىڭ قازاقستانداعى ۇلتتىق-پاتريوتتىق ورتانى وتكىر سىناپ، رەسەيدىڭ اقپاراتتىق كۇن تارتىبىنە ساي ريتوريكانى قولدانعانى بايقالادى.
سول كەزەڭدەگى جازبالارىندا قازاق پاتريوتتارىن «رۋسوفوب»، «ۇلتشىل»، «ناتسيك» دەپ اتاعان ماتەريالدار كوپ كەزدەسەدى. رەسەيدىڭ سىرتقى ساياساتىن قورعاپ، باتىستى كەلەمەجدەگەن پىكىرلەر دە از ەمەس.
گەورگي لەنتاسىن قورعاپ، كوگىلدىر ۇلتتىق لەنتا يدەياسىن سىناعان جازبالارى دا سول كەزەڭنىڭ ءبىر كورىنىسى بولدى.
ال بۇگىندە ءدال سول اۆتور – ءامىر قاسەنوۆ سوت زالىندا ارىپتەسىنە «سەن قازاقسىڭ عوي! وليگارحقا ساتىلىپ كەتكەنسىڭ» دەپ ايىپ تاعادى.
حالىقتى اقىماق قىلعان ۇگىت-ناسيحاتشى
كەز كەلگەن كەنەت وزگەرىستىڭ قيسىندى سەبەبى بولۋى كەرەك. ءامىر قاسەنوۆتىڭ جاعدايىندا بۇل وزگەرىستىڭ سەبەبى قارجى. ەڭ قىزىعى ءاربىر ءتىرى جان ءۇشىن بەيىمدەلۋگە از بولسا دا ۋاقىت قاجەت. بىراق اقشا كەلگەن جاقتىڭ ۇگىت-ناسيحاتشىسىنا اينالىپ شىعا كەلۋدىڭ حاس شەبەرىنە ۋاقىت تا قاجەت ەمەس.
بىراق سول قوعامنىڭ دا ۋاقىت وتە كەلەمىناداي زاڭدى سۇراقتارى تۋىندايدى: «كەشە عانا ۇلتجاندىلىقتى قاۋىپتى قۇبىلىس دەپ باعالاعان جۋرناليست ۇلتتىق تاقىرىپتى ءوزىءنىڭ باستى ارگۋمەنتىنە قالاي اينالدىرادى»، «كەشەعانا كورشى ەلدىڭ ەكونوميكالىق، ديپلوماتيالىق جانە اقپاراتتىق ۇستانىمدارىن قولداپ تا، قورعاپ تا ءجۇرگەن ءتىلشى بۇگىن سول ەلدىڭ ىقپالىنا قارسى كۇرەسكەر رەتىندە ءوزىن قاي بەتىمەنكورسەتەءدى»، «كەشە عانا باتىس دەموكراتياسىن ء«تۇرلى-ءتۇستى رەۆوليۋتسيا» دەپ سيپاتتاعان مامانبۇگىن ءدال سول دەموكراتيالىق قۇندىلىقتاردى كاسىبي قىزمەتىءنىڭ نەگىزىنە قالاي اينالدىرادى»... شىنى كەرەك، ايتا بەرسەڭ، ىزدەي بەرسەڭ، مۇنداي قاراما-قايشىلىقتار كوپ.
ارزانداپ كەتكەن سەنىمنىڭ باعاسى
بۇرىن جءۋرناليستىڭ ەڭ باستى كاپيتالى ابىرويى مەن بەدەلى بولسا، قازىر الدىڭعى شەپكە سەنىم شىعىپ وتىر.
كوزقاراقتى وقىرمان ءتىلشىنىڭ اعات كەتۋى مەن قاتەلىگىنە كەشىرىممەن قاراۋى مۇمكىن. بىراق كەشە ايتقانىن بۇگىن جوققا شىعارسا، سەنىمءنىڭجوعالاتىنى ايدان انىق. سالا مامانى رەتىندە بۇرىنعىلار قاسىقتاپ جيناعان ابىرويدى، قازىرگىلەر شەلەكتەپ توگىپ جاتقانى تەك وكىنىشتى ەمەس جانە اسا قاۋىپتى.
شىنتۋايتىندا بۇل قوعام دەرتىنە اينالىپ بارا جاتقان ۇلكەن ماسەلە. بۇل – ارامىزدا ۇلت مۇددەسى ساۋداعا تۇسكەن كەزدە قارسى بەتكە ەش كىدىرمەستەن ءوتىپ كەتەتىن ازاماتتاردىڭ بارىن كورسەتەتىن دۇنيە.
بۇل – كوپشىلىك بايقاسا دا ايتقىسى كەلمەيتىن اقپاراتتىق كەڭىستىكتەگى ۇلكەن تەرىس قۇبىلىس تۋرالى اڭگىمەگە اكەلىپ سوعادى.
ۇلتتىق مۇددە تۋرالى كىمنىڭ شىنايى سويلەپ وتىرعانىن، ال كىمنىڭ سول ۇراندى كەزەكتى ساياسي ماۋسىمنىڭ قۇرالىنا اينالدىرعانىن اجىراتا ءبىلۋ – بۇگىنگى قوعامنىڭ الدىندا تۇرعان ماڭىزدى مىندەتتەردىڭ ءبىرى. سوندىقتان ءوزىڭ اداسپاس ءۇشىن جانە بىرەۋدى اداستىرماس ءۇشىن وتە قىراعى جانەاسا ساق بولعان ابزال. ال ءامىر قاسەنوۆ بۇل قاراپايىم جانە ايقىن مىسالداردىڭ ءبىرى عانا. ءتىزىم بۇدان دا ۇزىن بولۋى بەك مۇمكىن...
ءسوز سوڭىندا، ءامىر قاسەنوۆقا قاتىستى مىناداي ءبىر قىسقا عانا ويدى ورتاعا سالۋدى ءجون كورىپ وتىرمىز: قازتاگ باس رەداكتورىنىڭ ءالى كۇنگە دەيىن كورشى ەلدىڭ مۇددەسى ءۇشىن جۇمىس ىستەپ جۇرمەگەنىنە كىم كەپىل؟! ونىڭ مىڭ قۇبىلۋى بۇل جاي عانا ويىن بولۋى ابدەن مۇمكىن. ايتەۋىر، سول ويىننىڭ ارتى ورتكە اينالماسا بولعانى. وپىق جەپ قالمايىق.
اشىق دەرەكتەردەن سوزىمىزگە دالەل:
3. https://yvision.kz/post/ssha-protiv-rossii-voyny-ne-budet-486989
