جالپىۇلتتىق سوتسيال-دەموكراتيالىق پارتيانىڭ ورتالىق اپپاراتىنىڭ جەتەكشىسى ماقسۇت ناسيبۋلوۆ استانادا وتكەن پارتيانىڭ كەزەكتەن تىس XXV سەزىندە ساياسي باسەكەلەستەرىنە سىن ايتتى.
ونىڭ ايتۋىنشا، تسيفرلاندىرۋ تەك جاڭا تەحنولوگيالاردى ەنگىزۋمەن عانا شەكتەلمەۋى كەرەك. بۇل ۇدەرىس مەملەكەتتىك باسقارۋدىڭ اشىقتىعىن ارتتىرىپ، بيلىكتىڭ قوعام الدىنداعى ەسەپتىلىگىن كۇشەيتۋگە قىزمەت ەتۋى ءتيىس.
ء"بىز ءۇشىن تسيفرلاندىرۋ – تەحنولوگيالار تۋرالى ادەمى ءسوز ەمەس. بۇل – بيلىكتىڭ اشىقتىعى، مەملەكەتتىك شىعىستاردىڭ ايقىندىعى، مەملەكەتتىك ساتىپ الۋدىڭ ادال جۇرگىزىلۋى جانە ءاربىر ازاماتتىڭ شەشىمدەردىڭ قالاي قابىلداناتىنىن، بيۋدجەت قاراجاتىنىڭ قايدا جۇمسالىپ جاتقانىن كورە الۋ مۇمكىندىگى",– دەدى ماقسۇت ناسيبۋلوۆ.
سونىمەن قاتار ول كەيبىر ساياسي كۇشتەردىڭ تسيفرلىق اشىقتىق ماسەلەسىنە جەتكىلىكتى كوڭىل بولمەيتىنىن ايتتى.
"مەنىڭ سۋبەكتيۆتى پىكىرىمشە، ولاردىڭ جاسىراتىن دۇنيەسى بار. سەبەبى الداعى سايلاۋدا بارلىق پارتيالاردىڭ ءتىزىمىن ءىرى بيزنەس وكىلدەرى باستاپ تۇر",- دەدى ول.
جسدپ-نىڭ كەزەكتەن تىس XXV سەزى 8 شىلدەدە استانادا ءوتىپ جاتىر. دەلەگاتتار پارتيانىڭ سايلاۋالدى باعدارلاماسىن تالقىلاپ، 23 تامىزعا بەلگىلەنگەن قۇرىلتاي سايلاۋىنا قاتىساتىن كانديداتتار ءتىزىمىن بەكىتۋدە.
